والله يا اختي من رأيي انك تصارحيه بس بطريقة حلوة... يعني بدون ما تشدين وياه.. ودائما كلميه بالحب...
مشكلتك تذكرني بمشكلة صادتني مع زوجي.. انا ساكنة بشقة في بيت اهل زوجي.بس منفصلة عنهم وما بيننا وبينهم إلا نافذة واحدة.. وعادة خواته يطقون علي النافذة لما يبون يكلموني او يسلمون علي وانا افتحها لهم.. ذاك اليوم طق النافذة اخو زوجي.. وطبعا كنت ما ادري انه هو لما فتحت الستارة شافني واني بكامل زينتي ومن دون الحجاب تخيلي بس الموقف... ورحت وكلمت زوجي وطلعني طبعا انا الغلطانة.........
وبعد فترة رد تكرر هالموقف قلت له انا بنت ومن حقي في بيتي آخذ راحتي اخوك إذا يبيك المفروض يتكلم هو الرجال هو اللي يستأذن والمفروض يطق الجرس........ طبعا كانت طريقتي حلوة وهو سمع كلامي وانحلت المشكلة......
انتي لا تشدين وياه كلميه بالطيب وبالكلام الحلو وبيسوي لك كل اللي في بالك...