المشاركة الأصلية كتبت بواسطة dand00n

الغاليه ريــم..

زوجك حابب يغير جو لما يأخذك وتسافروا مع بعض..

هو حاسس إنك متضايقه.. ولأنك تهمينه.. حابب يغير لك في نفسيتك..

بالنسبه لعلاقتكم الخاصه.. زوجك لازال يريدك صدقيني..

بس الرجل خايف يقرب منك تصدينه.. والله هذا إحساسي..

لأن مو عارف كيف رح يكون شكل العلاقه الخاصه بينكم أول مره بعد هالإعتراف..

يعني هو اللي خايف.. مو إنتي.. وهو اللي متردد

يبيـــــــــــــــــــــــــك... بس خايف منك.. خايف من ردة فعلك.. لأنه حساس وخايف يضايقك ويذكرك باللي صارلك..

نصيحتي..

إلبسي لبس مغري.. وتعمدي إغراءه بصوره واضحه كأنك تقوليله أبيــك..

وأنا أفسر إقترابه منك ليلا وبعدين قام وماسوى شي.. إنه متردد وخاااااايف من ردة فعلك..

واللي بيكون قرفان يا عمري حتى كلام ما رح يتكلم معك.. ورح يكون متضايق ويتحاشاك.. وهذا الشي زوجك ما قاعد يسويه..

ساعدي زوجك إنه يتقرب لك ومهدي له الطريق.. وإفرشيه حب وحنان ولهفه وانتظار..

ولا تحطي في بالك إنه قاعد يبتعد عنك.. وخلي عنك هالأفكار..

لأنك إنتي قاعده تفكرين بهالطريقه.. (هو ما يبيني.. هو قرفان مني.. هو.. هو..)
وبالمقابل زوجك قاعد خايف من ردة فعلك ومتردد ومو عارف كيف يتقرب لك..

وبالتالي رح تزيد الفجوه بينكم.. لا سمح الله..

صلي على النبي.. وقومي أنت بالمبادره.. لأن زوجك محتاجها..

وطمنينا عنك يا عسل