أختي الغالية أم الـبـراء

سامحيني لأني تأخرت بالرد ولكن هاليومين مريت بضروف بعدتني عن النت شوي

أكيد أنتي في البداية مقدمة طلب وظيفة معلمة رسمية اللي يبدأ راتبها من 4000 ريال و يبدأ يزيد

و حتى الان ما صار لك تعيين
و أنتي ذكرتي إنك بحاجة للوظيفة حتى تساعدي زوجك و دخلكم متوسط

من رأيي

إنك تقبلين هذه الوظيفة لأنها تعطيك شهادة خبرة تضاف إلى ملفك

وبعدين يالغالية تعرفين الوضع في المصاريف كيف صارت نار

يعني لو توظفتي راح تساعدين زوجك في تحمل الأعباء مثل ( شراء ملابسك – تسديد فاتورة جوالك )

و عيالك ما شاء الله بيدخلون المدرسه يعني ما تخافين عليهم بالبيت

الوظيفة تساعدك حتى في تنظيم وقتك و تحسين حتى بالنشاط والحيوية

مره أخذت إجازة شهرين حسيت بالكسل و ما فيه إي انتظام وما صدقت إن الاجازة تخلص و ارجع لدوامي

الشيء المقلق في الحكاية هو إن المبلغ بسيط

انتي داومي و جربي لو ارتحتي في الدوام و انبسطتي كملي (((طبعا في البدايه ما راح ترتاحين لأنك لسا جديده مو متعوده و بعدين راح تتأقلمين)))

ولو حسيتي انك ما قدرتي توفقين بين البيت والمدرسة فإنسحبي

طولت عليك
الله يكتب لك إللي فيه الخير