1-هل زوجك كثير السفر في الإجازات ؟ وإن كان كذلك هل يسافر من دونك؟
زوجي يعشق السفر و أكثر سفرياته من دوني


2- ما هو شعورك حينما تعلمين بتخطيط زوجك للسفر ؟ وماذا تردين عليه؟
اكيد أنقهر بالبداية و بعدين أقول يا بنت خليه يولي مع اني من جوا لسا مقهوره بس اطمن نفسي
و أطلب منه أي طلب ((سفره صغيره أو يوعدني بسفره كبيره العام المقبل يعني استغل الموقف))

3-هل تثقين في زوجك حينما يسافر؟ ولماذا؟
مرات اثق فيه لأني أقدر و بسهوله اسحب المعلومات منه (( طبعا ما اقول هالكلام إلا عن تجارب ))
و مرات أبدأ أشك من كلام زميلاتي و القصص إللي أسمع


4- هل تقنعينه بعدم السفر ؟ أم يقنعك بأنه سوف يسافر رضيتي أو انرضيتي؟
أكيد اجلس اقنعه وبعدين هو يقنعني انه بيسافر رضيت و إلا انرضيت


5-ما هي أعذار زوجك حينما يريد أن يسافر وكيف يبدأ في محادثتك ؟
عذر واحد دائما يكرره (( زملائي أجبروني وحتى حق التذكره هم اللي دفعوه))

وهل يسبق ذلك نوع من التدليع والخدمة والتمشية داخل المدينة؟ أم إنه يفرض الأمر الواقع ولا يهتم بمشاعرك؟

حسب اسلوبي معاه فلو سويت روحي مسكينه وحسسته انه مقصر معنا سوا لنا اللي نبي و مشانا وسفرنا سفره صغيره داخل البلد

و لو سويت فيها قويه وقلت ما فيه سفر يقول لي مالك شغل فيني بأسافر غصب عنك

فأحسن لي اتمشى وانبسط احسن من الهوشه و عوار الراس