17


رد عقب الصلاه ...ودخل غرفته ...من غير لاسلام ولا كلاااااااام
ارتحت لعودته ...ورحت غرفة النوم ابي اطمئن عليه لقيه حاط الحاجز المخدات بيني وبينه
وتاكدت انه لازال زعلان قلت انام بالصاله افضل ..وصحيت على صوت رزعه باب الشقه
وعرفت انه خرج ...اتصلت على جواله لقيته مغلق ...اخيرا كلمت خالتي ....
كانت يابعد عمري قلقانه علينا ...ويش الي صار طمنيني ...رديت الحمد لله ياخاله كل شي تمام
وبدات اكذب ..قالت فهمتيه الي قلته لكِ قلت اكيد ...وفرح وانبسط وانا بعد ارتحت من الوضع
قالت تعالِ ابي اسمع السالفه من اولهاااا ...قلت مقدر هو طلع الان وانتي تعرفين قفل الباب
قالت خلاص اذا رد ...اتصلى علي اجيكم ..قلت ابشري
وبدات ادور الشقه من القلق ........يارب ويش اسوووي
حطيت حرتي في بيتي نظفت ورتبت ....واخذت حمام دافي ..واستعديت لعودته
انتظرت ...وانتظرت ..ولا حس ولا خبر
اخيرا نمت من كثر التعب...و عاد ..لكن الان باسلوب متغير
فك الدواليب وخرج كل الملابس وحاس غرفتة النوم ..كسر العطور والمكياج
وداس عليها برجوله ...وهو يسب ويلعن ..كنت ساكته خائفه مرعوبه من صعوبة الموقف
ابي اساله ويش الي يبحث عنه .والله ماقدرت
خرج كل ملابسي ورماها على الارض ..وثيابه بعد.كل شي ....واخيرا
التفت حوله ...يبحث عني فاذا انا في منتصف السرير اضم مخده كبيره احتمي بها
وقال ..انتي .......انتي ...........انتي
تعرفين انك ماتسوين عندي شي ....مثل ذي الي ادعس عليها برجولي
اذا ما .................دارت فيني الدنيا و انطميت وسكت
وسحبني مع يدي وخرجني من السرير وهو يصارخ باعلى صوته فهمتي الي قولته
قلت ...ايه فهمت ....والله فهمت ...بس صلى على النبي ووطي صوتك
الدنيا ماتسوى زعلك ...قال لااااااااا وبدا يضحك ....اكيد.. خايفه مني
ولا خايفه من الناس تسمع صوتي ......انطميت وسكتت
وبدا ياخذ الي يبيه ...وانا اصيح .. ويومن شاف دموعي رفعني بشعري وقال
تبكين ليه ماني عاجبك ...قولي تكلميني ...رديت عاجبني والله عاجبني
وتم على ذا الحال حتى الصباااااااااااح ... وبعد ماخلص وارتاح
ابعدني عن السرير ...ونام


18

الشعره الي قسمت ظهر البعير

بدات اشعة الشمس تشرق معلنه يوم جديد
جمعت اشلائي وخرجت من الغرفه ...وذهبت الى الصاله
وبدات اصيح واصيح من قهري ..ومما حل بي من مصائب لم اعد اتحملها
واستفرغت حتى ظننت ان روحي تبي تطلع ...وبدات انزف على خفيف
راجعت نفسي كثيرا ..ولم اكن اتخيل ماحل بي ...وبدات اسال نفسي
معقول ذا انسان سوي ...معقوله اعيش معه بعد الي سواه وانا توني عروووس
وتجراء يمد يده علي وسكت ويسبني امام اهله . وسكت .واخيرا يسوي ذي السوات
التي لايرضاها لاعقل ولا دين ...اجل بعد كم سنه ويش يسوي فيني
اكيد ...ياخذني البر ويشب فيني الناااااااااااار على شان يطفي حرته
واتخذت قراري.......واتصلت على تاج راااسي ابوووي
رد علي هلااا بالغاليه ....قلت.. يوبه انا تعبانه وابيك تجي تاخذني
رد ويش فيك ...تشتكين من شي قلت: ايه اشتكي من زوجي
ابشري وانا ابوك دقائق واكون عندك
وفعلااا وماهي الاعشر دقائق وابوي عندي ...يدق الباب
رديت عليه الباب مقفل يوبه ....وين زوجك قلت نايم ..قال صحيه خله يفتح الباب
رحت وصحيته ....قال من جانا هالحين ...مارديت سمع صوت ابوووي ...فتح الباب
دخل ابوي وطحت باحضانه مثل اليتيم الي محروووم من امه وعجز يلاقيها ..
وبدات اصيح ابوي ضمني وهون علي وقلي جيبي عباتك وانا ابوك
زوجي مارد ولابكلمه ..وصار كالحمل الوديع ..يمسكني بيدي ويش فيك
اخيرا بدا يتكلم قال :انا اخذها للمستشفى قاله ابوووي
كمل نومك وانا عمك افضل لك
اخذني ابووي ..للمستشفى وطبعا تنومت اسبوعين فيها حتى تحسنت حالتي
وزوجي كل يوم يجي للمستشفى ...يزورني مع امه وابوه
اخيرا خرجت من المستشفى مع اهلي ......وطلبت الطلااااااااق
و.صار يرسل خالتي ..لعس النبض وتقصي الامور
ويومن عرفت خالتي بالي حصل وقفت معي ...وقالت انتي بنتي والله مرضى بذا يصير لك حتى لوكان من ابني
وتخلت عن الموضوع نهائي لاكنها كل يوم تتصل وتسال عني وتدعي لي... لما عرف مافي امل
انجن زوجي وصار كل يوم وهو عندنا مع رجال ممن يعزون على ابوي واهلي يبون يصلحون الوضع
رفضنا ..كل الوسائط والتدخلات من الاهل .... وطالبت بالطلاااااااااااااااااااق
هالحين انا انتظر قدوووم المولود باذن الله ...بعد اسبوعين بالضبط
ولاتفكرووون ان ابني او اي شي ممكن يغير راااااااااااااااااااي
لان الي يسوي سوات زوجي وتصرفاته انساان موصاحي واكيد مريض نفسيا
واخرج هالحين وانا حيه ولا انتظر اخرج ميته من بيتي

__________________