السلام عليكم يا ام سامي
الخطوه التانيه الغزو الفكري وده معناه انك تغزو افكاره وتغيري طباعه ولكن بالتدريج وبطريقه غير مباشره وده بيتطلب طول نفس وقدره علي التخطيط والفكر السليم
ونوضح الكلام بمثال لو انت عوزه شئ منه وهو رافض لو ناقشتيه هيرفض ومش هيديلك فرصه انك تقنعيه او تناقشيه اصلا يبقي نحاول نخليه يغير رايه من جواه لحد ما هو يوافق لوحده وده عاوز ايه عاوز خطه
اول شئ في الخطه انك وانت في وضعالالفه اللي شرحته لك في الخطوه الاولي توجدي 3 شخصيات مش موجودين اصلا في الحقيقه وتقولي ان صحبتك من ايام الدراسه امل مثلا اتصلت بيكي اليوم وسلمت عليكي واتكلمتو ساعتين
وتاني يوم اتكلمت تاني وسولفتو علي اصحاب الدراسه مثلا هند وجوهره
يبقي عندنا الان 3 صديقات همه عناصر الحركه في ايدك ومش موجودين في الحقيقه امل ده بنت علي طبيعتها هوائيه هند بنت عقله ومتوازنه جوهره بنت متشدده ونشفه في تصرفاتها
وتيجي مره في وقت الالفه وتقولي امل زعلانه من جوزها وعوزه تغضب وتروح بيت اهلها وده لان جوزها بيعمل كذا او ما بيعمل كذا وتبدائي تقولي شئ بسيط من اللي بيضيقك من جوزك وان الشئ ده مضايق امل وعلشانه عوزه تروح بيت اهلها وان هند قالتلها كذا وجوهره قالت كذا وانت قلتي كذا وانت اللي هو جوزك ايه رايك
فهمتي يبقي الحوار مش عليه او عليكي الحوار يخص شخص خارجي وبتخدي رايه وفي الحوار تخلي هند تقول رايك انت وانت تقولي راي تاني وهكذا ويبقي في نقاش هو طرف فيه وعن شئ يخصه لكن بطريقه غير مباشره
وتحولي تقنعيه باهميه راي امل او جوهره او هند حسب القصه اللي هتعمليها وبعد يوم او اتنين تقولي ما دريت اش سوت امل وتكملي القصه وتخدي جذء تاني من المشكله وتناقشيه فيها وتتفقو علي شئ وتقولي انا هقول لها كذا ومع الوقت هتقدري تخلصي اي اختلاف في الراي اما انت تقتنعي او هو يقتنع وتتفقو علي شئ ولو ما اتفقتي لا تهتمي وشوفي طريقه تانيه لعرض رايك بقصه تانيه من هند ومجموعتها لحد ما تفهمي وجهت نظره او يفهم وجهت نظرك وما تستعجلي ممكن الامر ياخد 6 شهور لكن في النهايه هتلاقي تغيير حصل ليكي وليه من غير ما تحسو
وطبعا ممكن تبيني ليه اهميت الشئ ده عند الست لان امل مثلا بتقول انا مشتاقه لكلمه حلوه وممكن اغلط او اضعف واسيب نفسي اسمعها من غير جوزي وده انا ارفضه علشان كده زعلانه انه ما يقول الكلام الحلو لكن ده مرحله متاخره يعني بعد شهرين او تلاته من بدايت مشكله امل مع جوزها والنقاش المفتوح بينكم فهمه ومش لازم يكون النقاش كل يوم ممكن يوم وبعد اسبوع او اي عدد من الايام فهمه
عموما لو احتجتي اي اضافات لو الصوره مكنتش كامله قوليلي وانا ازيدك شرح للخطه ... ربنا يوفقك