اخوي طبعي كذا


انا انصحك تحاول تبعد تفكيرك عن الطلاق وخصوصا انها (( حامل ))


الطلاق ما هو سهل أدري ان معاناتك كبيرة


بس أنت ليش تروح وتتنازل لها قدام اهلها هل انت كنت غلطان عليها غلط قوي؟؟


وسؤالك عن أبوها اذا يقدر يجبرها انها تروح لبيت زوجها فهو يقدر ليش لا


أصلا بالأساس يكون مفهم بنته انه أي مشكله بينها وبين زوجها ما تنقلها لبيت أهلها مهما كانت الظروف


واذا لابد من تدخل الأهل ومشكله كبيره فيكون من طرف أهله يعني أب الزوج او أمه قبل علم أهل ازوجه بالمشكله


وهو غلطان انه يسمع كلام بنته كلما زعلت وشالت شنطتها رحب فيها !!


غلط المفرووض يصرخ عليها ويفهمها انه تصرفها غلط


وانت يا اخوي غلطان ليش تسمح لنفسك وتترك لها مجال تروح بنت أهلها وبعدين تعال تنازل وراضيني ومنها الاشياء


الزوجه اللي كل ساعه والثانيه تروح بيت أهلها على أتفهه الاسباب هذي مع احترامي لها ما تستحق تكون زوجه


شووف حالتها صعبه وحياتكم ما هي حياه

بس انتبه تطلق وخلاص

حاول انك تقولها وتفهمها وتفرض شخصيتك وتقولها مشاكل بيننا ما تطلع خارج البيت لا لأهلي ولا لأهلك

والبيت زي البالون المتفوخه اذا أنثقبت يخرج الهواء منها

والبيت لما تطلع منه المشاكل لأي سبب ينهدم وتنهدم حياتكم معه والنهايه الطلاق


فهمها انها حرمه كبيرة وفاهمه وواعيه وكلمها باسلوب جاد وخوفها ااذا قالت اهلي واهلي

صحيح انا حرمه بس مهما كان لازم تخوفها انها اذا طلعت من بيتها لمشكله تافهه ومن دون علمك تراك انت

ما راح ترجع لها ولا راح تراضيها وبتستلم ورقه طلاقها



وعن سؤالك عن الحضانه حسب الشرع اذا كانت بنت بتكون فتره حضانتها من تطلع للدنيا الى ان تصل لعمر 7 سنوات

وياخذها ابوها وتنتقل الحضانه الى الأب

واذا كان ولد فتره حضانته عند امه نفس الشي بس اذا وصل لعمر 7 سنوات يخير بين انه ينتقل الى حضانه أبوه او

يبقى على حضانه أمه..



وأرجوو اني اكون أفدتك وياا ريت انك ما تفكر بالطلاق لاسيما انه أبغض الحلال عند الله الطلاق

بس حاول تفهمها وتفرض شخصيتك وحاول انك تقولها انها ما تنشر مشاكلها عند اهلها زي ما تنشر الوحده

ملابس الغسيل على الحبل..


والله يوفقكم ويهدي زوجتك ويسعدكم

لاتنسى انك تبعد عن مخك فكرة الطلاق على الأقل حاول انك تعدل زوجتك وربي يوفقك

__________________