ان شاء الله تولد بالسلامة وتفرحوا بالنونو ويخليه ربي لكم

اول شيء هون عليها وقل ترى الولادة سهلة ومثل ما قالت جدتي لما حست اني خايفة من الولادة انها مثل ما تشربي المويه من سهولتها

وباين انو زوجتك مرعوبة من الولادة وعشان كذا هي ودها تبكي وتحس بالجفاف بحلقها من شدة الخوف

دورك انك تهون عليها وتدعي لها وتبين لها حبك

بصراحة لما جتني الولادة ببنتي ما كنت اعرف شيء بس حسيت انو بطني نازل لتحت وحسيت انو صار قاسي

وحسيت بالم في البداية خفيف في بطني يجي ويروح

ومشيت مشيت وانا قريبة من المستشفى ودخلت الفجر وولدت الساعة عشر الصباح يعني تقريبا سبع ساعات

عند الولادة الدعوة مستجابه خلها تدعي وتقرأ سورة الزلزلة

لازم لازم لازم تكون معاها وتمسح على راسها وحاول تفرفش معاها وسولف معاها ولما خلاص تبدأ تولد اطلع من غرفة

الولادة احسن لك ولها من وجهة نظري لانو الوحدة تستحي انو زوجها يشوفها


ان شاء الله تفرحنا بخبر ولادتها وسلامتها