كأنك أختي مشكلتي أصدق حطيتي إيدك على الجرح ... ترى أنا بعد مثلك عندي انسانه عزيزة على قلبي تعاني

الويل بسبب زوجها البخيل مع أن دخله الشهري أكثر من 1200 دينار ... لكن أول ما تطلب منه فلوس ..

الرد جاهز علىطول .. ما عندي كم مرة قلت لك ما عندي ..

قاعدة معاه خدّامة بلقمتها ... مصروف شخصي مثل العالم والناس مايعطيها خير شر ..

بيته اشترت له فرش من فلوسها مرتين، اشترت لعيالها أسرّة لأنهم كانوا ينامون على فراش بالأرض

( طبعاً الفلوس من عند أخوانها بين كل فترة يعطونها المقسوم لأنهم عارفين حالها ) ..

كل ليلة سبت زوجها يعطيها 20 دينار مصروف جيب للعيال وإذا قالت له ما تكفي رد عليها دبري عمرك

( عيالها بنتين وولد في الجامعة، ثلاث أولاد في المرحلةالثانوية، ثلاث بنات في الإبتدائي ) شلون تدبرها الله أعلم ؟؟؟

في الفترة الأخيرة تعبت وهي تقول له تبي شغالة لأنها تعبت من شغل البيت وهو يقول أنه يبي يرتاح في بيته من غير

ما أحد ينغص عليه راحته ( يقصد الشغالة ) ..

مع إنه طول الصبح في شغله الحكومي يرجع يتغدى وينام شوي والعصر يروح شغله الخاص وفي الليل يرجع يتعشى

وينام .. شلون بتنغص عليه راحته ومتى ما أدري ؟؟؟

شايلتنه وعايشة معاه وصابرة عليه ومحتسبه عند رب العالمين ..

مرة تشد ومرات ترخي لعل وعسى ينصلح حاله .. ولكن لا حياة لمن تنادي!!!

آسفة أختي لأني سرحت بفكري وطلعت عن الموضوع ولم أستطع ان أعطيك حل لمشكلة أختك .. بس من جد خاطري

أعرف حل لمرض البخل .

أختك أم زهراء .