لا اله الا الله

خلاص الناس نسيوا الدين ونسيوا انه هييجى عليهم يوم يقابلوا فيه العظيم الجبار ويسألهم وجلودهم بتقع من الخجا عن غدرة فلان وعلان
والاكتر عن رعيتهم

فين القوامة؟
فين الرحمة؟ والمودة؟ والسكن؟

فين اتقاء ربنا؟

لا حول ولا قوة الا بالله

والله انا معرفش القصة حقيقة والا لا ولكن اللى اعفره انى سمعتها شفتها وعشت جزء كبير منها وبتحصل وحصلت وهتحصل كتير

للاسف الاهالى مبقوش يربوا ولادهم على الدين

واللى زى الزوج اللى فى القصة نتيجة تربية غير سوية من الاب والام اللى فاقت وحاولت تبقى حنينة بعد فوات الاوان
تغذية الولد على الانانية وحب الذات وتلبية الطلبات والتغاضى عن انفعالاته ايا كانت طريقة التعبير عنها

بيشيلها الاهل لفترة
وتشيل همومها الزوجة لباقى العمر

وللاسف مجتماعتنا العربية بتظلم المرأة المطلقة من غير حتى ماتعرف السبب او مين الغلطان ودايما التبعة على المرأة حتى لو كانت بتتقى الله وحاولت تتحمل العذاب والقهر اللى ربنا سبحانه وتعالى مايرضاش بيه

وعشان كده
معظم البيوت اصبحت يا كل يا جزء من القصة دى
واللى بتحاول تراعى ربنا وتنول مرضاته بتستحمل صاغرة وبيتقتل فيها كل يوم احساس جواها لحد مابتتكسر نهائى وتعيش والسلام

لا حول ولا قوة الا بالله
مالنا غير الصبر على البلاء والدعوة الى الله يهديهم ويشيل الغشاوة من على عيونهم

ويتقوا الله فينا
ويتبعوا وصية الحبيب المصطفى صلى الله عليه وسلم
رفقا بالقوارير