الســلام عليكم... اخوي السامر صراحه كلامك اثر فيني كثيرررررر... نادر هالايام تلقى اخ يهتم بخواته اللي من امه وابوه كيف عاد خواته من اب وام مختلفين...اول شي الله يوفقك يارب ويحقق لك اللي فبالك وينور طررريقك وتتزوج باقرب وقت ...اما بالنسبه لموضوعك..فكل التصرفات اللي قلت عنها عاديه بين الاخت واخته واعتقد الاشياء اللي ذكرتها ...سببها انكم ماعشتوا مع بعض فتره كافيه وكمان ممكن تكون محرجه من سالفه الجوال اذا كانت ماتعرف بردة فعلك... بعدين الله يهديك المفروض انت بنفسك اللي تكلمت معها وسالتها بهدوء .. عشان ماتخاف منك وتفهمك اكثر ..وتعرف انك تبغى مصلحتها وحاب تكون قريب منها ... يمكن للحين هي زعلانه منك وشايله بنفسها.. اذا كانت الرسايل والارقام عاديه...يعني هي ماغلطت بشي ..والهدايا مو الشي اللي ممكن يقربك منها او من باقي خواتك ماعدا الصغار طبعا ...تقربك منها بيكون..انك تجلس معها كثير خذ خواتك كلهم واطلعوا مع بعض وفرفشوا ..مره بالاسبوع..حاول توديها انك فمشاويرها مثل السوق وشاركها اختيارها ..وقلها هذا حلو وهذا موديله جديد...حاول مره تعرف اذا كان في شي ناقصها وجيبه لها مفاجئه..بعدين سنها كبير وماعتقد ممكن تفهمك غلط الا اذا كانت ماره بتجربه متعقده منها قبل كذا ..وممكن تقولها بشكل صريح انك اخوها وتخاف عليها وودك تكونون اصحاب وعلاقتكم تكون قويه فبعض بعد ماكل واحد منكم يتزوج وانك سندها وانت اللي بتعزها بعد الله وبعد زوجها ....والله ياسامر انا لي اخوي الكبير من ابوي ..والله احبه اكثر من كل اخواني مع اني الحمد لله ربي رزقني باخوان مثل العسل عمر احد منهم ماكدرني بشي .. بس اخوي هذا غيررر.. عمري ماقلت له شي الا يقولي سمي وانشالله كل ماطالع له يبتسم...عمري ماطلبت منه شي واجله ولاقلي بعدين ... احلى طلعه لما يوديني للسوق ...كاننا اصحاب .. نسولف ونضحك ونعلق على الملابس ....وقبل فتره تزوج ومازالت علاقتنا قووويه... هو عمره 26 وانا عمري 21..دايم ياخذ رأيي بهدايا لزوجته او ملابس او شي زي كذا... وانا عمري مافهمت شي منه غلط بالعكس ....يعني انت حاول بكل قدرتك تتقرب منها وتكسر حاجز الخجل ... وصدقني مافي احلى من العلاقه القويه بين الاخ والاخت....الله يوفقكم ويخليكم لبعض ويعطيك على قد نيااااتك وبالنسبه للبس .. انت اخوهم ومن حقك تقولهم يلبسون لبس معقوول بالبيت...مو مثل ماقلت ضيق وغيره... قلهم بصراحه وجيبها بمزح... اذا دخلت مثلا غمض وحط يدينك على وجهك...بتقولك وش فيك قل انتي لابسه؟؟ بتقوولك ليش قل شكلك كانك مو لابسه شي وش هالبنطلون !!... جبها بمزح وهي بتنحرج وبتروح تغير... اختار وحده من خواتك تكون قريبه شوي منك وهي اكييييد بتوصل هالمعلومه لباقي خواتها ....بالتووفيق