أخوي الله يرزقك ويسهل عليك
بس من جد المواضيع هذي وأمثالها شوهت صورتنا مرررررة
قلة من تكلف مهورهم وماهو كلهم غالية
مشكلة الشباب يلعبون بالفلوس حتى لو هي شوية.. واذا جا وقت الزواج قال والله المهور غالية
اشوف ولد خالي كل ماراح له اخوي ورجع يكون متعجب مع ان اخوي اعلى منه راتب لكنه ماسك نفسه ومايصرف على نفسه الا الشي البسيط جدا الضروري
اتذكر حتى طلعات مطاعم مع اخوياه نادر مايطلع
مكافأة الجامعة يدخر شوي منها تصور؟!!
وكل ماراح أخوي مع ولد خالي ورجع قال اليوم فلان عشاني في المكان الفلاني وخسر نفسه
والاسبوع الجاي راح يسافر المنطقة الفلانية.
واتذكر اخوي مايسافر مع اصحابه ابدا وسيارته اقل من عادية ومايهتم حتى بلبسه كثير وكان يمل من كثر تريقة اخواني عليه انه مايلبس لنه كان اقتصادي بقووووووووة
واشتغل وكافح وماشالله تبارك الرحمن صار الحين شي وشويات.. السيارة اخر موديل واللبس على سنقة عشرة
وبنى له دور( نص بيت ) ملك خاص فيه!!
قد سمعت بشاب بأول عمره يبني له بيت!! وبيتزوج وزوجته انجنت لما عرفت انها راح تسكن بيت ملك!
والحين بعد العمر هذا ربي سهل عليه
ولد خالي يمشي ويقول الزواج يكلف الزواج يكلف!!
بنظري بعد الجامعة بكم سنة الشاب يستطيع يكون نفسه اذا صار مكافح وطموح وحاسبها زين
مايلعب بالفلوس ويستمتع ثم يقول الزواج غالي!!
---------------------------------
اخوي مو مشكلة اسكن عند اهلك طيب!!
والسيارة انت ماعندك سيارة؟؟ لازم يعني جديدة؟؟ اول مرة اسمع بكذا!!
__________________
اللهم لك الحمد والشكر
"ولئن شكرتم لأزيدنكم"
التعديل الأخير تم بواسطة شوبارد ; 18-06-2006 الساعة 07:16 PM