عزيزتي محمدية...
يااااااااااه على الورد المحمدي....
من شهرين مسجلة بالمنتدى مالج إلا مشاركتين..
وينج من زماااان..؟؟
شوقتيني للبحرين..


كلامك عين العقل..
بمجرد إني فكرت بهالكلمة.. فهذا يعد خطأ..
المفروض أنسى هالشي..
بالفعل.. لما أنسى أن في حل يسمى انفصال..
راح أقدر أفكر في حلول أخرى..
بس لقيت هذا أقرب شي..
تدرين.. أنا عمري ماناقشت زوجي بفكرة الانفصال..
ترى كلمة (طلاق) لا أنا ولا هو يبناها على لسانا أو تخيلناها مع بعض خلال هالسنين..
بس البارحة الأمور تازمت..
وهوتضايق لأني قلت له أنا مب مرتاحة..
وياب لي حل أني أروح عند هلي..
(بعد ماقال ننفصل)...

بس اليوم لاحظت عليه تغير..
(وبعد كل سالفة يتغير يومين ويرد لطبعه)
لكن اليوم صاير هاديء.. واتصل بي كذا مرة يسألني عن رايي في لون السيارة..
وأنا خذت برايكم..
وقلت له حبيبي اللون اللي يناسبك ويعجبك أخذه..
وأنا أحاول أتغير وأصير أهدأ ..