الله يوفقكم دنيا وآخرة
اختي خلك ايجابي
شوفي عزيزتي يمكن كلام اخوي ينطبق على واحد اثنين مثلا.. طيب والبقية؟ هل معقولة نقص!!
أجل وين الرجال اللي يقولون والله نبي بنات فيهم مميزات؟
وبالنسبة لشوفة أحد من أهلي من الرجال اتذكر مرة اخوي قالي كلمة معناها مدح بشكلي لكن الأخ غير بصراحة ماعترف برأيهم من طلعت عالدنيا وانا قبالهم!!
وقريب لي كبير يمكن في الخمسينات من عمره لكن ماحس انها نظرات اعجاب بقدر ماهي نظرات شهوانية اعوذ بالله وهذا الانسان شاكة فيه كثير ( الأني حلمت فيه حلم سيئ جدا أثناء الرقية الشرعية ) لأنه يبغاني لولده ورفضناه.
بالنسبة لسالفة الغرور..انا اذا مشيت بمكان مليان حريم واشوفهم يناظروني استحي القى الحل الوحيد اني ارفع راسي ومااحاول اشوف احد اخلي عيوني على نفس الاتجاه اللي أمشي فيه عرفتي؟
لكن اثناء الشوفة الشرعية الوضع يختلف لاراسي يرتفع ولاشي بالعككككس غير.. عيوني في الأرض
أختي مشمشة عمري
وأخوي الكبير اللي دايم يرفع معونياتي أنا واخواتي بالمنتدى
اقرا كلامكم واقول صح يمكن ...اقعد شوي اقول لالا ماهوشرط
انا ماوصلت لمرحلة الجمال الوااااااو بحيث انه يخاف ابداااااا
طيب يمكن صح كلامكم بشخص او شخصين طيب والبقية؟.!
بنان
كنت اقرا عند شيخ ووقفت! وقال اذا احد تقدم لك على طول تعالي
البتول
والله ماكنت ابغى اقول كم خاطب لأني بمجرد أتذكر عددهم انكتم والى الان مابغى اقول لكن عشانك يالغالية
عددهم 8 جعل عيونهم العمى هههههه وواحد منهم انا رفضته
بعضهم بعد الشوفة انسحب والأكثر استمر وخطبة رسمية وابوه واهله واخوانه جو وسألو اذا فيه شروط وفجأة وقف الموضوع
وواحد عطاني المهر واستمرت الخطبة 3 شهور وقبل الملكة باسبوع انسحب
بحرينية
صادقة اختي اطلع بعباية؟؟ كان الرجال يشوف خيمة مايشوف بنت!!
العباية واااااااااسعة وشكلي بالعباية يختلف تماما بدون عباية والرجل من حقه يشوف الجسم
والشعر يظهر الشكل الحقيقي للمرأة احس شكلي بالطرحة بينقص مني كثير.
معقولة حرام؟ والله ضاق صدري من جد.. الشعر يحلي مررررررررة
طيب مرة سألني شيخ عن طريقة الشوفة وقلتله ولا قالي حرام غريبة!
آسفة جدا لأني مارديت على كل واحد لكن ماتتخيلون تأثري بللي أقراه أول مرة اكتب موضوع واشوف ردود وأتأثر
والله العظيم جتني حالة وانا اقرا ابكيييي مدري ليه
__________________
اللهم لك الحمد والشكر
"ولئن شكرتم لأزيدنكم"
التعديل الأخير تم بواسطة شوبارد ; 20-06-2006 الساعة 01:32 AM