منتدى عالم الأسرة والمجتمع - عرض مشاركة واحدة - خطيبي ماله اي وجووود عندي؟؟؟!!!!!!!!

29-06-2006, 07:27 AM

تـرانيم

عضو جديد

تاريخ التسجيل: May 2006

المشاركات: 3

خطيبي ماله اي وجووود عندي؟؟؟!!!!!!!!

بســـــــــم الله الرحمن الرحيـــــــــــــــم

السلام عليكم ورحمة الله وبركاته.....

في البداية اشكر جميع القائمين على هذا المنتدى ... ويجزاكم كل خير عن كل فائدة يحصل عليها كل عضو هنا ..
الى جميع اخواني واخواتي بالمنتدى .... حاولت اكتب هالموضوع اكثر من مره وامسحــه .

.ماني عارفه وش اكتب ولا كيف اوصف الشي اللي بداخلي .... لاكن اليوم صممت اكتبة وان شاء الله اتوفق ويوصلكم مثل ما اتمنى.... المشكله اني مقدر احكي مشكلتي للي حولي لانهم راح ينتقدوني ويحملوني الذنب..

بداية تسلسل احداث المشكلة: خطبني ولد خالتي وهو نعم الرجل ...وبعدها باسبوع جاني التعيين والحمدلله لاكن بمنطقة تبعد عن اهلي 1000 كيلو ..المهم سافرت واسكنت فيها وعانيت من الغربه الكثيررررر... وبعدها
ب3 اسابيع صارت ملكتي ومرت شهرين والحين الاسبوع الجــــــــأي زواجي ....
المهم في وسط هالزحمة

انا صار لي شي غريب انا فقدت الاحساااااااااااااااااس ماعاد شي يهمني ولا أي شي يبسطني او يفرحني وصار عندي تبلد وهذا والله مو طبعي ابداً ..

.. كل شي صار عندي عادي ..عادي ... وكل هذا انعكس على طبيعة علاقتي بخطيبي ... احسه راح ينظلم معاي.. بصراحة ماني عارفه ايش اكتب ..مشكلتي ماني عارفه وش فيني؟؟؟؟ انا في حيرة من امري مافي أي احساااس اتجاه خطيبي .. يعني لا احبه ولا اكرهه ... ولا احس باشتياق او شوق اتجاهه ... ومايهمني اذا اتصل او لا ..بعض البنات لو ما اتصل عليها خطيبها يوم تجنن ..اما انا لو يغيب سنه عادي ما تفرق معاي... ولا اسال .. اقدر اقولكم اني انساه يعني قربه وبعده عندي عادي... ولما يتكلم معاي اغلب كلامنا يكون رسمي وعن الاهل ولا يكون عندي فضول اساله ايش يحب او ايش يكره .... واذا زارني تلقوني اتملل وانتظر متى يطلع على الرغم انه مازارني الا مرتين بسبب ظروف عملي وماعندي اجازات اقدر انزل فيها مدينتي..وكمان هو مدينة ثانية يعني الرجال متعني ونازل عشاني ..
بس والله مو طبعي كذا متغيره مدري وش اللي صابني وش هالقسوه ....مدري...

. احس ان هالشي غريب عن كل البنات اللي المخطوبات هم وعرسانهم فعلاً باين عليهم الفرح اما انا !!!!!!!!..
ما احس اني فرحانه لاني عروس مثل كل بنت.. بجد مافيني فرحة العروس.. اقول دايماً هذي جنازة مو زواج. احس بهم ونكد وحزن فضييييييييع وكل يوم يزيد

والود ودي هالزواج مايتم بس بداخلي في شي يردني ويقولي انه عريس مايتعوض وصفاته كل البنات تتمناها وفوق هذا كله يحبني ويتمنى رضاي وعارف ظروف عملي وموافق ومشجع... على رغم بعدي عنه ... احس اني ما استاهله هو في الشرق وانا بالغرب. اخوي يسألني وهو مقهور مني ليه ماساله عن خطيبي بما انه صاحبه ويعرفه زين يقولي احسك مغصوبه واذا فعلاً انتي كذا ليه ماتتكلمين...بس انا ماني مغصوبه انا احس نفسي مثل اللي يدفع نفسه دفع مايدري وين راح يوصل في النهايه ومحل ما يحطونه الناس بيجلس

.واتمنى ان هالزواج يتاجل يصير فيه أي شي ..

..والله مدري وش فيني عمركم شفتوا عروس مو متحمسه لزواجها تصدقون حتى استعداد مافي يعني لما جهزت ..جهزت أي كلام مو مهم عندي اذا حلو او لا ...
والله ماكنت كذا.. مدري وش اللي صار طول عمري معروف عني اني احب الفرفشه والمرح اما الحين صار العكس... اول معروف عني انسانه رومانسيه لابعد الحدود وحساسه اما الحين العكس لما جا وقت الرومانسيه تبلد مشاعر ماعمري شفت مثله...نفسي اعرف وش اللي قلب حياتي ...تدرون بعض احيان ادور لنفسي الاعذار... واقول امكن انا ماثره علي الغربه والتغيرات اللي صارت بحياتي وبسرعه جات ورى بعض ما خلتني استوعبها ..فخلتني اعيش بقلق....واقول امكن ماني فرحانه بعرسي لانه برضه حياة جديده ضمن المتغيرات اللي صارت وشايله همه...مدري كل اللي اعرفه الحين ان هالاحساس مو طبيعي ابداً خايفه انه ياثر على حياتي اللي مابدت لسه ... وكوني اني مو فرحانه بعرسي مسبب لي قلق بعض احيان اقول لايكون هالزواج مو مناسب ولا هالرجال فيه شي وهذا احساس وتنبيه من الله يبيني اتراجع ...وعشان كذا حاسه بحزن...
ياليتكم تفسرون اللي انا فيه وش يطلع وهو طبيعي ولا لا وليه ماني فرحانه مثل باقي البنات بعرسي...ادري يمكن احد منكم بيقول والله ماعندها سالفه لاكن وربي..هالموضوع وهالاحساس ارهقني وسالب تفكيري وحارمني النوم..وقالقني بحياتي....والله اعلم.
ادري طولت عليكم اسفه..

. ولو ودي اكتب اكثر لاكن بوقف واترك لكم الرد

اختكم... تــــرانيم