لسلام عليكم

أختي انا بقول لج شي.....ما في حياتج تفكرين انج تآخذين واحد انتي تحبينه...خذي واحد هو وأهله يموتون عليج.....يعني واحد مثل هذا خلاج تنذلي له....ماظني في يوم من الأيام يصلح يكون زوجج.....أختي انتي انسانه مب الله يعزج بنت من الشارع...عشان تركضين ورا واحد مثل هذا.....شوفي أختي رغم تعلقج فيه....تمسكي بربج وصلي ودوم تمي اقرأي القرآن......ولله العظيم في النهاية بتنسين هالشي....وأهم شي إنج لا تردين تكلمينه....واذا تقدم لج واحد محترم لا ترفضيه لأنه يمكن ما تلقين مثله بعدين.....ترى البنت كل ما تكبر يوم تقل فرص الزواج لها.....أختي حتى لو ما تحبينه من معاملته وحبه لج رح يخليج تتمسكين فيه........بس أهم شي حبوبتي هوني على عمرج ولا تضايقي نفسج على واحد هو ما يباج......خذي واحد يحبج ويحترمج ويقدرج ويموت عليج....مب واحد مادري شو من البشر هذا....خاطب ويسير يرقد ويه البنات الوسخات الله يعزج ويترك خطيبته اللي تمووت عليه...على كل الأحوال توكلي على الله ومثل ما قلت لج وافقي على أول واحد يتقدم لج اذا كان زين وما عليه كلام وصدقيني كابري على نفسج وشوفي كيف رح تستوي حياتج......ولله رح تنقلب من الأحزان لأفراح......ودوم تمي ادعي دعاء الكرب: (لا إله إلا الله الحليم..لا إله إلا الله العظيم..لا إله إلا الله رب السموات السبع ورب العرش العظيم)....وانشالله الله بيكون وياج.......وتحملي على عمرج.....ولله يوفقج ويحفظج من عيال الحرام.....