اهلا يا سامي .. كيفك اولا احب اقولك انها حتى لو مو ام عيالك ..انت اخترتها من بين الحريم كلهم ..واكيد انت مقتنع باختيارك ليها .وفي شي زمان اتعلمناه اسمو الوفاء بالعهد ..اظن انك وعدتها انك حتفضل جنبها دايما والاهم في ظرف صعب زي هادا وان ما عاهدتها يمكن تكون عاهدت نفسك على دا الشي..هي صح غلطانة انها ما قالتلك من البداية .لاكن مافي داعي نخلي دا الشي عزر عشان يكرهنا في الشخص اللي اخترناه..سامي ترى الحبوب اللي زكرتها ليها كذة غرض وموشرط يكون عندها هرمون الزكورة اللي انت معلق عليه ممكن عشان حابة تحمل منك وماهي قادرة تقولك لانك ما تبغى عيال منها .وانا متأكدة انك تحبها وراح تصبر عليها يا سامي وحاول معاها باللين انها تروح المستشفىوخليها تحس انك بالنسبة ليها اكتر من زوج انك صديق او اخ حيفضل جنبها وماراح يتخلى عنها لاي سبب كان ..ممكن زوجتك لا سمح الله فيها شي معين وخايفة انك تدري عنو عشان كدة هية ماراحت المستشفى فحاول انك تصبر عليها وتطمنها انك باقي معاها مهما صار وصدقني لو حست انك راح تفهمها ماراح تترد وتقول لأعز شخص بالنسبةلهاواعزرني اني طولت عليك والله يطمنك انشا الله