المشاركة الأصلية كتبت بواسطة نوران احمد

السلام عليكم ورحمة الله وبركاته
انا عضوة جديدة آمل ان تقبلوني بينكم
انا مترردة اني اعرض مشكلتي لكن امل انه يوجد من ينصحني وله خالص دعائي
انا متزوجة من سنتين تقريبا زوجي اكبر مني بـ 8 سنين يعني هو في 30 من تزوجته وانا احس انه مو هامة الزواج ولا هميتة كل شيئ عادي عندة ولا فية اثارة او مغامرة والله اني احيانا احس اني متزوجه شايب من زود انه انسان بارد ولا فيه اي شيئ من حركات الشباب والمصيبة انه يحب اهله حب فضيع انا هذا الشيئ ما يزعلني بس احس انه طاغي على حقوقي هو انسان عاطل عن العمل ومن يوم ما يقوم من نومه يروح عند اهلة وما يجي يقعد معي الا القليل واذا صار اعرف ان اهلة مشغولين او ما هم موجودين هو طيب وحنون ويلبي لي طلبات اللي ما فيه مسؤليه مثل يوديني للسوق او اهلي تخيلوا ما يبغاني اشتغل علشان ما يربط فيني وهو على طول فاضي احس انه دافن روحه في الحياة ولاهو راضي يتقدم للأمام ويبغاني اصير مثلة ما يحب يتحمل المسؤلية يحب بس انه يوجة اذا قلتله وش رايك نسافر يقول اهلي يحتاجوني مع ان لة 7 اخوان وكلهم كبار وطيبين احيانا احس انه متحسف انه متزوج وانه اقدم على هذه الخطوة بدون تفكير ما كان يدري ان الزواج هو اول المسؤليات ولا كان ما سواها وانا اذا شفته اتحطم واحس اني ضايعة ما هذا الرجال اللذي كنت اتمناه على طول مظهرة غير مرتب شعرة منكوش غير مرتب ولا يهمة مظهري ابدا واحيانا اقول في نفسي لو اني داريه انه كذا كان ما تزوجتة... الشكوى لله.والمصيبة بعد احيانا احس اني ماني عارفة وشلون اتعامل معاه.
الله يجزاكم الجنة ساعدون ولو في دعوة بظهر الغيب حتى ولو كنت انا الغلطانة.