هذا اللي كنت خايفة منه!!

تندمين!
يا اخت الموضوع خلاص وتم وانتهى!
وللو كان قبل الزواج فأنا لا انصح إطلاقا أي فتاة بالزواج من شخص يرفضه أهلها ول كان ملاكا!

لأن الزواج مو لعبة والزوج ولد الناس وممكن في أي لحظة تنقطع علاقته بالزوجة لكن الاهل!!!

عموما ما أبغى ازيد همك........
بالتأكيد حاليا ابعدي من خيالك الأطفال مرة مرة مهما ضغط زوجك أجلي الفكرة لفترة الى ان تهدا الأمور

الآن أنت بين نارين موقف الأهل وموقف الزوج كلاهما متعصب لرأيه وغاضب عليك وينفس مشكلاته فيك

والحل رغم صعوبته هو ما سبق وذكرته لك انت هدّي الأمور

قول ي لزوجك ينسى أهلك تماما لا خير ولا شر لا تعتذرين لهم ولا تطرين له أي شيء عنهم ولا تطلبين منه زيارة ولا اعتذار... خليه ينسى تماما أي مشكلة ممكن ان تخرب بينكم ولا تحطينه أبدا سبب للمشكلة بينك وبين اهلك حاولي قدر ما تقدرين الشي الثاني انت في دالخك لا تركزين على عيوبه! لأن الشيطان الآن بدا يلعب!! تراه عصبي... اهلك معاهم حق!! شوفي كيف قاسي الخ من وساوس الشيطان...
أختي انت تزوجتيه وأنت عارفة طبعه ومافيه إنسان كامل فلا تصدقين هالوساوس أبد... ارميها وحاربيها وانت قاومت اهلك علشانه ما تقاومين الشيطان؟!!!!!!!
ومن جهة أهلك زوريهم وأحسني لهم مهما لقيتي من صد ترى والله والله أثرها عظيم واجرها أعظم!
اتصلي فيهم وعطيهم هدايا واطلبي منهم ينسون الموضوع ويفتحون معاك صفحة جديدة وكأنه ما صار شي.. مهما قسوا لا تدافعين اسكتي واحتسبي الأجر حتى تهدا أعصابهم وينسون الموضوع شوي وراح تلقين أثر
بس لا تطرين زوجك لا بخير ولا بشر ابدا أبدا خليهم ينسون تماما إنك متزوجة فلان حتى لو تكلموا فيه لا تردين مو علشان شي بس أبغاك تحسسينهم برغبتك الشديدة في نسيان الموضوع وهم مهما طالت المدة راح يتغيرون وتتغير علاقتهم وينصلح حالهم ان شاء الله
الله يكتب لك اللي فيه الخير