مرحبا اخواني
صراحه ماقدرت اقرا كل الردود
بس ابي اشكر كل واحد فيكم صراحه ما قصرتو معي
ابي احكي لكم وش صار معي اليوم
طبعا من امس يوم قلت لزوجتي وهي بغرفتها وتبكي سوت لي الفطور اليوم ونفسيتها زي الزفت
الغدا مثل الزفت
نمت وبعد ماقمت صراحه هم مدري شلون جاني ونا باالدوام لعب الشيطان براسي لين قلت بس قمت افكر اقول بيني وبين نفسي
يمكن كلامها صح وزوجتي تسوي كذا ياناس تعبت تعب غير طبيعي حسيت بكتمه في صدري
ليش تقول عنها كذا
زوجتي تسوي كذا معقلوه تسوي كذا طيب شلون
تذكر شريط حياتي كله من اول يوم اخذتها فيه لين اخر دقيقه تكلمت معها
شلون تحب غيري وهي ضحت بنفسها عشاني
ماشفت منها اي شي يثير الشك ولاعمرها حسستني بهذا الشعور طيب الي تحب غيري ليش تعاملني كذا ليش
طيب ليش احس بعيونها انها تحبني قمت اراجع اشياء كثيره في حياتي
طيب اقولكم شي
كنت في بدايه حياتي ضعيفه حالتي الماديه لدرجه خياليه ماعمرها قالتي ابي هذا ولا هذاك ولا حسستني اني ماقدر
بلعكس مهرها ثلاث ارباعه بعد الزواج سلمته بيدي طيب ليش ربي بارك فيه لدرجه اني حسيتها هذي الانسانه مباركه
صحيح شخصيتها ضعيفه جدا طيب ليش متمسكه فيني
اشياء كثيره ولله لو اتكلم عنها ماخلصت
كلها درات في بالي ونا في الدوام
رجعت وجلست
حطت لي الغدا مازالت تبكي
قلت خليني اسكت ولا راح اكلمها خلني اشوف وش عندها
ماتكلمت رحت ونمت وياشينها من نومه كل الكوابيس شفتها
قمت ونا ابيها تتكلم
رحت ودخلت الصاله وجلست افكر
دخلت علي قالت صدقت كلامها سكت انا ابيها تكمل جابت المصحف وقالت شوف ربي بلاني بالخبيث وعافاني على قولة الاطباء
بس انا بحلف لك على المصحف اني ماعرف احد بحياتي ونت اغلى من ابوي وامي عندي وذا كان بقلبك ذرة شك
الحين طلقني وصدقني انا احبك لو تسوي فيني بلاوي الدنيا ونت اول رجال بحياتي واخرهم
كلام كثير
اكذب عليكم اذا قلت لكم اني متماسك لابد من نزول دمعه الاعتذار لمجرد اني قمت افكر بعقلي النذل بهذي الطريقه
انسانه اضع رائسي تحت قدميها ولي الشرف طول عمري
انا ماقد لعب الشيطان براسي لكن حسبي الله على من كان السبب
والبنت بعد ما راحت السحابه السوداء
اتفقت انا وزوجتي انها تاخذ جوالي ونا اخذ جوالها وهي تتصرف معها بطريقتها الخاصه
وهذي المره الاولى في حياتنا الزوجه اشوف زوجتي بهذي القوه صراحه عجبتني
وبهذي المناسبه حقة القوه عزمتها على العشى عشانها صارت قويه
دعواتكم لنا