اقتباس:
|
المشاركة الأصلية كتبت بواسطة قزم بس عصبي
دق عليهم واسألهم مره ثانية
لازم يردون عليك
قلهم وش صار على الموضوع لاني محتار هل حصل شي بالموضوع سواء بالقبول او الرفض
والله يوفقك
_________________________________________________
اتكاءة حرف!
يا أخي الموضوع ما يبغاله جوال ولا هم يحزنون
اتصل عليهم قلهم وش الخبر؟ فإذا أجلوك قل لهم آسف بكرة يجي الرد أو الله يوفقها مع غيري!!!
بما أن الموضوع أخذ وقته الكافي فخلاص الموضوع مافيه مجاملات!
وبالنسبة للزوجة اللي ما صلحت لأمك ما أنصحك تاخذها!
ترى والله يا ناس الزواج مو لعبة ولا غصب ولا بنصحها وما أنصحها!
تاخذها وتتوهق فيها!!
صدقني بنتدم كثير على زواج مشي حالك!! وإذا كانت المرأة ماهي صالحة فالمشكلة أكبر من كونها تلتزم وما تلتزم!!
صدقني ياما عشنا بأحلام إنا نقدر نغير أزواجنا ويا ما زوجي كان متخيل إنه بيقلب راسي فوق تحت!
لا انا قدرت ولا هو قدر! والغريب إن كل اللي حولي ما قدروا يغيرون في حياتهم بعد!!
صدقني الموضوع مو مسألة بعطيها كلام حلو أو بشتري لها هدايا أو أو أو كله كلام فاضي إذا كان الموضوع قناعات شخصية مترسبة مع الزمن!!
راح تظل تعالج وتعالج وانت اللي تتغير وآخرتها تتركها على حل شعرها!!!
صدقني يا خوي من تجربة!! ما أنصحك تاخذ وحدة تعيش بافكار تختلف عن أفكارك! راح تكثر المشكلات ويموت الحب!!
قبل الزواج افتح عينيك الاثنتين وبعد الزواج أغلق إحداهما!!
يعني قبل الزواج دور ودور ودرو وتحمل الين تلقى البنت المناسبة فإذا لقيتها اصبر على بلاويها وتشطر ذاك الوقت واكسبها في صفك!
الله يوفقك!
________________________________________
شوبارد
أخوي اتصل عليهم مرة ثانية عادي وقل شصار عالموضوع؟ اذا قالو مثلااصبر شوي فترة
قل عادي اذا مافيه نصيب انا انسان متفهم ونبغى كل شي عن قناعة وش كيف يرد عليك
واخوي ترى شهر ماهي فترة طويلة مرة.. عادي
بس اذا مستعجل دق عادي جدااااا
والله يكتب لك الخير ويوفقك
|
اخي الكريم / قزم بس عصبي / اتكاءة حرف!/شوبارد
ااخواني واحبابي في الله
انا شاب والحمد الله فيني كل صفات الخير والصلاح والحمد الله رب العالمين
دين واخلاق وحسن مظهر ولايعيبني شي ولله الفضل
فقط راتبي قليل
لماذا اتصل عليهم مرة اخرى ؟؟
البنت اكبر مني ب4سنوات ويتقدم لهم شاب لم يسبق له الزواج واخلاقه طيبة
لماذا لا يحمدون ربهم علي النعمه ويش يبون اكثر ؟؟
انا ما اقدر اتصل عليهم كرامتي وعزت نفسي تمنعني خايف اسمع رد مو طيب
او سبب تافه يكدر علي نفسي واجلس مهموم
مثل لو قالو راتبك قليل يعني فضلو المال علي الدين والاخلاق
بأتاثر نفسين
لاني شبعت من هذا الكلمة وصرة لما اسمعها اكره حياتي
اخي اتكاءة حرف!
وش تبيني اسوى اجلس ادور مليت من البحث ياصاحبي
وخلص ابي اتزوج وبس وافتك من العزوبية العمر راح
__________________
إنتبه
*
كلمة ان شاء الله يكتبها بعضنا " انشاء الله " اخواني و اخواتي في اللغة العربية كلمة " انشاء " تعني
بناء و حاش لله ان يوصف بهكذا وصف ولكن ان اردت ان تكتبها فاكتبها " ان شاء الله " بمعني ان اراد
الله و هذا هو ما نرجوه ان يريد الله بنا كل الخير ان شاء الله
----
و كلمة لفظ الجلالة " الله " يكتبها البعض " اللة " بكتابة حرف التاء المربوطة بدلا من
الهاء فهكذا تكون خاطئة تماما فهي اسم صنم كان يعبده الكفار في الجاهلية
ولن يكتبها سوى جاهل بها ، فلا تلقي به إلى النار إن شاء الله.