مرحبا ,,
أخوي كاره الرياضيات
كلنا نمر بلحظات يأس ورغبه في تمني الموت أحياناً وأنا أنصحك أذا راودك هذا الشعور أن تقول هذا الدعاء (( اللهم أحيني إذا كانت الحياه خير اً لي وأمتني إذا كان الموت خير لي )) وتعوذ من الشيطان وأكثر من الإستغفار ثم تذكر أنه ما فيه أحد مبسوط بحياته لربما هاللي تشوفهم متزوجين تعساء جداً بحياتهم لكنهم مخبين ما يشتكون ..!!
وبعدين ليش تفقد الثقه بنفسك يا أخي انت رجال تقدر تتزوج أحسن بنت حتى لو كنت شايب لأن هذا الزمن زمنكم انتم اللي تختارون وانتم اللي تتشرطون وانتم اللي تتقدمون وتخطبون وانتم بعد اللي اتطلقون ..!!
وانت مشكلتك واضحه بس تابع الرقيه الشرعيه وشلون اللي واقف نصيبها وماهي عارفه وش مشكلتها
والله العظيم معانا وحده بالدوام عمرها تقريباً أربعين إذا ما كان ثمان أو تسع وثلاثين وما تزوجت وأقسم بالله أنها أكثرنا خفة دم وأكثرنا مرح وتفاؤل ومبدعه جداً بعملها وشخصيتها الكل يحطلها الف حساب ومرفهه عن نفسها تطلع وتحضر مناسبات واتسافر ومستمتعه جداً بحياتها ولما تكلمت معاها عن موضوع الزواج وجدتها تعرض مشكلتها ومشاعرها بكل شفافيه وتنصح أي بنت نصيحه من قلبها وقالت لي كلمه والله ما أنساها
(( إنا ما أجلس الا مع اللي مثلي حتى لو كانوا صغار والصغار يصغرونك انا بنت لو يصير عمري خمسين سنه وفعلاً تلاقيها لبسها ومزحها وسوالفها سوالف بنات ))
المهم
نصيحتي لك أن اتخطط لحياتك تخطيط جديد يعني لا تستسلم لليأس وتحط يدك على خدك ترى انت مشكلتك ماهي عدم الزواج انت مشكلتك المحيط اللي حولك ..!!
حاول اتكون صداقات جديده ويفضل من غير المتزوجين حتى ما تتذكر معاناتك كل اشوي
حاول تبحث لك عن هوايه تملى وقتك سجل بنادي رياضي مثلاً أو اجلس صمم على الكمبيوتر أو سجل في معهد وتعلم لغه جديده
ساااااااااااااااافر لمكه وأعتزل الناس لمدة اسبوع وتجرد من كل شيء يتعلق بالدنيا استمتع بكل لحظه لك في الحرم واكتشف الناس وتأمل الجاي والرايح
تصدق ...!!
وهذي والله تغسل الروح ولها فوائد ما يعلم بها الا الله
خذ ولدك وسافر لأي دوله عربيه أو أجنبيه تكون فيها الطبيعه حلوه واستمتع بوقتك
تعرف على ناس جدد
تعلم شيء جديد
دلع نفسك بأي شي تقدر اتسويه (( غير سيارتك أشتر سياره جديده غير اثاث البيت اذهب في نزهه بريه ))
ولا تسمح لأي أحد يناقشك بمشكلتك قل لأي أحد يسألك صفحه بحياتي وقفلت عليها ...!!!
وقبل كل شيء ..!!
أنصحك برضى الوالدين إذا كانوا موجودين
تعبت من الكتابه
العذر والسموحه يا اوخيك أتمنى ربي يخلف لك صبرك إمرأه تسعدك يارب
مع السلامه