[QUOTE=صاحب رأي سديد]بسم الله الرحمن الرحيم
اقتباس:
الملاحظ لبنات قسم (( الناضجات )) أو (( المتأخرات عن الزواج )) او (( منتظرات الزواج )) أختاروا ما يناسب من الفاظ الا لفظ (( عوانس )) لأني لا أحبه وانا رجل فما بالكم بالمراءه مرهفة الاحساس .
المهم نرجع لموضوعنا فقد لاحظت من قرأتي المتأنية لجميع مواضيع العضوات وردودهن ما يلي :
@ وجود الوازع الديني ولا ازكيهن على الله ( ولكن هذا الملاحظ بقوه من المواضيع المطروحه ) .
@ تعليم عالي .
@ ثقافه عاليه .
@ طرح ومناقشه واعيه .
@ في الغالب مقبولات في الشكل وبعضهن على قدر من الجمال ( بناء على مواضيع البعض ) .
|
رفعت روحنا المعنوية
جزاك الله خير
لكن ذكرتني بموضوع كتبته اشتكي من هالشي ومن سؤال اناس ( ما السبب)) واللي انت ايضا سألته
اقتباس:
وكل ما سبق يغري اي شاب بالزواج والتفكير فيه .
ولكن أين المشكله أو اين الخلل ؟؟؟
طبعا كل شئ قسمه ونصيب ما قلت شئ ولكن لكل شئ سبب ؟
|
لكن لكل شي سبب؟؟
لا اعارض ما ذكرته من اسباب لكن يبقى كل شي فعلا قسمة ونصيب
ومهما بحثنا عن مبررات واسباب لن ولم نجد
والله اني اصبحت محرجة جداا من هالسؤال اللي اواجه في اي مكان فيه تجمع نسائي ( مع ان طلعاتي قليلة جدا )
والله انا نفسك ابحث عن سبب يقنع الناس عندما يواجهوني بهالسؤال
لم اجد ودائما اقول قسمة ونصيب يقولون نعلم قسمة ونصيب لكن لا بد من سبب؟؟
ويطالبوني بذكر عدد من تقدم لي وسبب الرفض؟؟
والله ما يهموني ولا يهمني ايجاد اجابة على هالسؤال الا لسبب واحد فقط
وهو اني عندما لا اجد سبب مقنع لهم
اشعر ان اصابع الاتهام تتوجه الى سمعتي واخلاقي( يعني اكثر من وحدة قالت لي اكيد انتي عووبة او معقدة من الزواج او اللي تنظر لي باستغراب وتقول مومعقولة متسبق لك الزواج ؟ انتي فيك شي؟؟؟
يعني الناس عميان مايشوفون ؟ومو معقولة يتركون وحدة مثلك ومن هالكلام؟؟
تحس من كلامهم انهم يوجهون اصابع الاتهام الى اخلاق البنت خااصة اذا شافوها حلوة وشهادة واصيلة وما تزوجت بهالعمر
لكن والله ثم والله مهما قلنا يبقى الامر قسمة ونصيب وامر الله وارادته (( ماشاء الله كان -- وما لم يشأ لم يكن))
اخر مرة ( توها من اقل من شهر )والله يشهد على ما اقول ( وحدة من الحريم اعجبت فيني وطاحت فيني اسألة ( اكثر من مرة تكرر معاي هالمواقف
)
ومنها هالسؤال ( ليه ما تزوجتي للحين واكيد فيه سبب
وكل ما قلت قسمة ونصيب
ما يعجبها الرد
من غبائي قلت لها (( الناس يبحثون عن الجمال وانا يمكن مو بالجمال اللي يطلبونه<<<<<<<<
مدري ليه قلت هالسبب مع انه مو مقنع نهائيا
لانها قالت لي نعم؟؟؟ اذا هالسبب ؟ ترى ما يشوفون وعميان
لا لا اكيد فيه شي بس انتي مو راضية تقولين لي
وما فكني منها الى ان دوري وصل بالصالون
وياليته ما وصل
خلصت من هالحرمة واسألتها طلعت لي اللي تسوي الشعر حمام زيت بنفس الاسئلة
والله اخنقتني الدموع
وما قدرت اتكلم
وطلبت منها تغير الموضوع
المسكينة لما شافت حالتي اخذت تواسيني بالكلام والقصص عن اللي تزوجوا وهم بالثلاثينات ومن هالسوالف
وكل مرة اقول لااازم القى لي سبب مقنع يفكني منهم
اخر شي فكرت اقوله اني متزوجة بعدين قلت لا
يمكن الله يكتب لي نصيب
ولا زاال البحث جاريا عن سبب مقنع