صباح الخير ,,,

فرج الله همك أخي الكريم ورزقك بالزوجه الصالحه اللي تسعدك وتستاهلك


اخي الكريم كلنا نعاني مما تعاني منه وبالعكس معاناة البنت أشد وأقسى ماهي مسألة حرمان عاطفي وجسدي المسأله ضغوط إجتماعيه قاسيه وغير كذا كلما زاد عمرها وعدت سنه تشعر باليأس الشديد لأن كل فرصها بالزواج تقل حتى لو كانت عندها مميزات ما تملكها غيرها

أخوي أنت شاب توك انصحك أول ما تحصل على وظيفه اخطب البنت اللي تقبل فيك وفي ظروفك ولا اتعرض نفسك لأي صدمات نفسيه
لكن إقسم لك بالله ان الشي اللي انت تعانيه شيء بسيط جداً مما نعانيه نحن البنات أصلاً ولا يقارن

لأن الإنتظـــــــــــــــــــــــــــار صعب جداً والتفكير شيبنا واتحس انك تخسر احلى أيام عمرك تنتظر وتنتظر من يجي يطق الباب ويملي عليك شروطه ويحطك تحت المجهر عشان يقبل أو لا يقبل فيك

وغير كذا البنت لو تغلط اتفه غلطه تتسجل لها وما احد يرحمها وما احد ينسى غلطتها

الله يقبل توبة العبد اذا تاب لكن المجتمع ما يقبل توبة احد والناس بس تراقب بعضها
يعني مجبوره البنت بمجتمعنا تكون حريصه وصاكه على نفسها وحذره بكل علاقاتها
مو مثل الشاب اللي لو يسوي مهما سوى ويوم يفكر يتزوج يتزوج ولا كأنه عمل شي.......!!!!!!

................................

يا عزيزي
انت ما يبي لك الا الصبر وتقوية علاقتك بربك الرسول يقول عليه الصلاة والسلام ( من استطاع منكم البائة فليزوج ومن لم يستطع فعليه بالصيام )))

يعني الزواج استطاعه بالنسبه للرجل

لا اتضايق نفسك ولا تحزن ولا اتشيل هم لو يصير عمرك ثمانين راح تتزوج

لكن البنت مسكينه بالثلاثين ومافيه أمل