فتحت جرحا اندمل بمعاناة!!!

يا أختي أنا كنت مثلك تماما وربما أشد!

فهو حتى صرف ما يخليني أصرف على راحتي!!!

وصدقيني ما راح أحد يحس فيك مثل اللي جرب! كل هانصايح اللي تسمعينها من الناس بعيدة عن الواقع

لأنها تعتبر حالة غريبة! الكثير ما كانوا يصدقوني يعتبروني تافهة ومالي إلا أتدلع ومن هالسوالف! وهاك يا سب ويا شتيمة وناكرة الجميل ويارافسة النعمة ومن هالحكي اللي ما أول وماله تالي

والغالب إن المراة هي تحب زوجها وهو اللي راد فيها! فإذا صرت العكس الكثير يطير عيونه ويستغرب ويعتبرك انت اللي غلطانة!

شوفي اختي الوضع صعب ما أكذب عليك ومو بسهولة تتعودين عليه وتتكيفين معاه يبغالك وقت إذا أنت مصرة

فيه عدة أسئلة
س1: إنت حاسة إن فيه حل؟ يعني فيه أمل تتقبلينه مع الوقت؟ أو عندك استعداد تتقبلينه مع الوقت من أجل بنتك؟ أو عندك القوة النفسية التي تقاتلين فيها من أجل تتمسكين ببيتك وتبنينه على كيف وتصنعين سعادتك بإيدك؟
س2:هل فيه أسباب خفية تشعلل الكره في نفسك يعني هو موجود بس ممكن فترات يخف وفيه مواقف تأجج الكره هذا؟
س3:هل عندك أي مشكلة في حال أصريتي على الطلاق وأهلك رافضين يعني راح تعانين من أهلك أو لا؟
س4: كم فترة زواجك؟
والله يعينك بصراحة الحياة ما تنطاق مع زوج ما تحبينه حياة صعبة صعبة صعبة بس سبحان الله ما احد يصدق وجه الصعوبة ويتوقعونا نكذب ونبالغ!!!!!!!
انتظر جوابك لعل الله ينفعك فيه