راح عمري
(( وقفت اليوم بعد ماراح عمري..
وضاعت اسنيني..
وقفت اليوم..
أدور من يسليني..
أحس اني سحابة صيف..
عدت فوق وجه الأرض..
وأحس إني ظلمة ليل...
تجوب الدنيا طول وعرض..
وبقيت أصرخ ومحد سامعني.
تقول أمي .. يابنيتي
مضى عمرك ومازلتي
على نفس المكان أنت
توظفتي..؟؟
طيب زين وش صرتي..
راحت زهرة سنينك
وسال الدمع من عينك
وانت ماتغيريتي
بنيتي .. شوفي فلانة وش صارت
في ذرا الرجال..
وفلانة صارت أم عيال..
وأنت اليوم عنستني
وظيفة.. ضيعت عمرك
وخذت منك ليالي عمرك الحلوة
ومشيتي وحارت الخطوة..
وبعد مدة توقفتي
بعد ماشكلك تغير..
ولبستي اليوم النظارة..
وشفتي الهم أشغل في الحشا ناره
تنهدتي..ولكن من سمع منك..
تخيلتي.. راح الناس تنظر لك بكل تقدير..
وشفتي اليوم حياتك من بين ايديك تطير..
وشوفي اليوم وش صرتي..
وصل عمرك فوق السبعة والعشرين..
أو أكثر وانت ماتزوجتي..
وظيفة ضيعت عمرك.. وخذت منك
ليالي عمرك الحلوة..
ومشيتي وحارت الخطوة
وبقيتي اليوم يابنتي..
على نفس المكان انت..
بعد ماقالت امي قولها وراحت..
وأخفت دمعها عني..
قعدت ابكي.. وأصرخ أه
ومابي انها تلمحني
نعم ( عانس )
وظيفة ضيعت عمري..وخلتني..
وحيدة ومن سأل عني..
ودي اعيش مثل الناس
ودي أصير أم عيال..
ودي أصير في ظل رجال.. ودي أصير...
زهرة في ربيع العمر..
آه بس ..لو يرد وقتي ))
منقول على لسان احدى المتأخرات عن الزواج
__________________
اللهم لك الحمد والشكر
"ولئن شكرتم لأزيدنكم"