عزيزتي..
هو لما قال أنه يبي يشوف راحته كان يقصد أبي أتزوج..بس بطريقة غير مباشرة..
الحوار اللي تبيني أوصل له وهو الأمور اللي مهي بمريحته فيني ومريحتني فيه..
هذي مليون مرة تكلمنا فيها..
ودايما نقاشنا يتحول إلى جدال.. ويزيد همي ويزيد همه..
فليش أدوس النار برجولي..
المواضيع اللي تسبب المشاكل عمرها ماراح تنحل تدرين ليش؟؟
هو يبي يتزوج خادمة..
انتي لما تجيبين خادمة ترضين تقول لك خاطري أروح المجمع..
أو خاطري أتمشى بحديقة؟؟
أو خاطري أسافر؟؟
لا طبعا.. الخادمة عمرها ماتطلب هالشي..
هو يبيني كذا.

هو يشوف من حقه لما يبدل ملابسه يرميها على الأرض (بدون مبالغة طوال الأربع سنوات)
وأنا أمشي من خلفه أشيلها.. إذا واقف قريب من الثلاجة وأنا بعيدة يناديني تعالي عطيني ماي..
يقول من حقه علي أني أصب له ماي متى مابغى.. إذا كنت أبدل البنت مثلا يعصب لأني تأخرت..
يقول مايصير أكنس الغرفة بالليل.. هذا شغل الصباح.. إذا قلته محتاجة شي يأجله يوم يومين ثلاثة
من غير سبب والله.. ملاحفنا تبقى بالمغسلة أسبوعين ثلاثة.. والمغسلة مقابلة البيت بالضبط..
يعني طالع وداش يمر عليها..

يعني هو فيه عيوب الدنيا والدين.. ويبيني أنا أتأقلم عليها..
بذمتكم قولوا لي..
إذا اثنين طبايعهم تختلف.. من اللي لازم يغير طبعه؟؟ اللي طبعه صح؟وللا اللي طبعه غلط؟؟
هذا جزء من مشاكلي..


والله ماكان ودي أقول لكم عن شي.. بس أحس إن بعضكم مش راضي يفهم..
أنا ماودي بالطلاق..
هو اللي مش مرتاح معاي أكثر من عدم راحتي معاه..