اقتباس:
|
المشاركة الأصلية كتبت بواسطة شوبارد
أخوي ان كان على الطول تقريبا طولها وقف..
انا متأكدة من هالمعلومة : يتوقف طول الإنسان عند عمر 20 سنة
لاتخاف ابد من ناحية الطول احتمال انها وقفت او لو بتزيد فهو يمكن 2 سم ماراح تأثر
10 سنوات ماهو فرق كبير
لكن تفكيرها وعقليتها كيف؟؟ والدتك وش تقول عنها هذا المهم
بصراحة ارى فتاة 18 صغيرة بتفكيرها بس ماانكر ان فيه بنات بهالعمر ماشالله عقلياتهم شي
ماراح يفيدك بهالموضوع غير والدتك
وعسى ربي يوفقك وييسر امورك وترتاح وتتزوج
|
اهلين اختي شوبارد
طيب مسألة الطول نقول اني اقتنعت
والده ياطويلة العمر تقول البنت هادئه وحبوبه بس امي ماتحتك فيهم كثير لانهم هم بديره وبمحافظه بعيده عن الرياض
مانشوفهم الا بالاعياد والمناسبات
عشان كذا مانعرف اخلاقها 100% بس الظاهر لنا انها خلوقه
وازيدك من الشعر بيت خال البنت .. خويي الرووح بالرووح يعني عشرة عمر انا وياه بس ماقلت له عن شي
ودي أقوله وأسأله عن اخلاقها بس خالها شكله مايعرف عنهم شي لان وظيفته بالرياض ومايشوفهم كثير واكيد انه مايعرف اخلاقها مع انه خالها
فعلاً تفكير بنات هاليوم صغير .. وهذا هو اللي مخوفني ومخليني متردد
على العموم الف شكر لك
اختي
وجزاك الله الف خير
وشاكر لك تواجدك في مواضيعي
التعديل الأخير تم بواسطة البتول ; 17-07-2006 الساعة 04:17 PM