اخي كاره الرياضيات


رغم اني لست متزوجه وأكثر ما يخوفني في الزواج هو كيفية التعامل مع الرجل لأني مشكلتي شخصيتي قويه وتعودت ببيت أهلي تكون كلمتي مسموعه وتتنفذ على طول وقراري يتم الأخذ به دائماً

وماخذه حريتي بكل شي وهذي فعلاً المشكله الحقيقيه

يعني ما أتصور يجي شخص يوم من الأيام ويحدد لي مواعيد نومي وأكلي ....الخ

أو ابي أطلع لمكان ويقول لي مافيه طلعه
أو مثلاً يطلع معاي للسوق ويفرض علي لبسي وما يخليني أشتري غالي أو أشتري الملابس اللي تعجبني

أو يفرض علي أروح لمكان ماني حابه أروح له ..!!

لكني طول عمري عقلي كبير يعني اهلي ياخذون رأيي لأنهم يشوفون انه صح ومقتنعين فيه عمري ما أجبرتهم على شي غلط أو فيه خسائر

هذي نقطه

النقطه الثانيه

اخواني الشباب على الرغم من أني عمري ما احتديت معاهم لكن دايم يقولون لي انتي ماراح تتزوجين واذا تزوجتي راح تتطلقين على طول وهذا يسبب لي حزن وضيق شديد

ليش طيب ؟؟؟

مو ذنبي اذا كان ابوي يسمع رأيي ولا يسمع رأيهم لأنه الصح

المهم

احتاج الى تدريب على تقبل الحياه الزوجيه اذا ربي كتب لي أن اتزوج لأني قررت ما أتزوج الا رجال تكون شخصيته أقوى من شخصيتي مو بالحده والهواش لا بالعكس احتاج الى شخص يقنعني ويملا عقلي وتفكيري ويتركني أسلمه كل مفاتيح قوتي حتى يتركني اتلذذ بضعفي أمامه واتمنى هالشي يارب ما يحرمني اياه مثل ما يقولون اخواني عقدوني والله


ومن اليوم والطالع بقرا عن كيفية التعامل مع الرجل وفهم نفسيته لأني فعلاً جااااااااااااااااااااااااااهله جداً


شكراً لك يا كاره الرياضيات