المشاركة الأصلية كتبت بواسطة ريم2006

ما فيه أحد منكم فهم مشكلتي بالشكل الصحيح


أولا بعض الأعضاء او العضوات يقولون اني ما عطيته خبر في تقديم الخادمه ما تم التقديم عليها الا بعد ما أخذنا الموافقه منه


والأذن منه ولا صار شي بدون علمه او من وراه





ثاني شي اللي يقول بتغيبين عن البيت 6 او 7 ساعات زوجي دوامه من الساعه 6 الصباح الى الساعه 4 العصر


يعني مهما غبت عن البيت راح أرجع قبل وقت رجوعه للبيت




واللي يقول انه انتي ما راح تتفرغين لزوجك واذا رجعتي من الجامعه راح تقولوين بزور فلانه او معزومه عند علانه



زوجي ما يسمح لي بزيارات الاصدقاء او حتى الاقارب وسط الاسبوع وزوجي حارمني من جميع صديقاتي


حتى رساله بالجوال رافض اني ارسل لهم ولا حتى يبيني اكلمهم



ولا حتى أمي يبني أكلمها


يبيني عايشه بس تحت رجوله أنفذ طلباته وأكون زي الخشبه بالبيت أنتظره من يقوم من سباته الصيفي والشتوي اللي ماله نهايه


دايم النوم ولا يطلع ولا يطلعني ولا يمشيني ولا يسافر بي شهر عسل مثل الناس ما وداني


ولاتقولين لي يمكن ظروفه الماديه سيئه لا والف لا ظروفه ممتازة ووظيفته ممتازة وشهادته الجامعيه حلوة


ولا هو بخل منه



بس يحب ينام في بيته 24 ساعه ولايصحى الا اذا بغى ياكل او يشرب ويصلي واذا تذكر اني زوجته جا يبغى حقه الشرعي



ويرجع للنوووووووم



وفوووق كل هذا يبغى يحرمني من حق الدراسه اللي هو وافق عليه من البدايه


رجال مستهتر الى أبعد درجه



أمس مصارخ علي ما تكرني أنام الا وانا أبكي أختلق مشكله من لاشيء وهو عارف نفسيته تعبانه وجسمي تعبان

من الحمل وفوق كل هذا ينرفزني ويعصبني ويصارخ علي بدون سبب يذكر



ومع ذلك ساكته ومتحمله لي سنه و6 شهور على هالحاله قولوا لي فيه أحد منكم يتحمل يعيش مع شخص 24 ساعه نايم



وفوق كل هذا يحرمني من صديقاتي من اهلي من الطلعات من التمشي من السفر ولو الأمر بيده حرمني من هالطفل اللي بداخلي



وتقولون لي اتركي الدراسه عشان خاطر عيونه


دايم يتذمر ودايم يتشكى وما يعجبه اي شي اتعب واصلح له اللي يحب ويقول شين


ماعمره مدحني بكلمه ماعمره تغزل فيني والا قال لي كلام حلو ماعمري اتصلت عليه ورد علي مثل الناس


اذا اتصلت عليه قال لي ( هاه وش تبين ) بس خل واحد من أصدقاءه يتصل وش يقول له ( هلا وغلا بالغالي ) !!!!



واذا ابتسمت له قال مجنونه


وان ضحكت له قال تستخفين دمك


وان سكت وصرت صامته قال تجيبين الطفش والملل


وان بكيت قال انتي تجيبين النكد والقرف



ماعرفت أرضيه ماعرفت وش يحب وش يكره


اللي أعرفه ان حياتنا صعبه مع بعض وعجزت اتفاهم مع هالانسان