اهلين وسهلين شو هالزين يخزي العين ....
انا عارف ان المطبخ مو للرجال زي ما يقولون لكن ربي بلاني بشي استمتع فيه جداً ( يا حظ خطيبتي ما راح تتعب )
المهم خلوني اعلمكم الي عندي
انا احب طبق حلى مميز جدا وسريع التحضير
المقادير
يا حريم لا تنسون الورقة والقلم
1 بكت بسكوت شاهي
ربع اصبع زبده
علبتين قشطه
كيس كريم كراميل
كيس دريم ويب
السكر على الرغبة حطو الي يعجبكم
هذي المقادير الله يسلمكم اخلطوها كلها في الخلاط مع بعض طبعاً بدون البسكوت
في الوقت هذا
ناخذ الصينيه الي راح نحضر فيها الطبق هذا
نغمس البسكوت في الحليب ( حليب مبستر مو المركز )
ونصفه في ارضية الصينيه
بعد كذا نسكب عليها من الخلطه الي سويناها شي معقول لا تكثرون منها
بعد كذا طبقة بسكوت بعدين طبة من الخلطه .
اخر طبقه راح تكون من الخلطه ونقدر نزينها بفتات البسكوت او الكاكاو او النسكافيه
اتمنى يعجبكم الطبق وعارف اني خاش عرض في مطبخكم ومسوي زحمه
بالهنا والشفا