تسلمون لي يا اهل الطيب .. لا عدمناكم .. وربي اخنقتني العبره لما قريت رسايلكم ونصايحكم الثمينه ... تسلمون.....جميعا....
بس تعرفون .... انا اعاني .... فعلا اعاني .. كنت اضن ان اللي فيني دلع لا غير .. او احتمال تغير هرمونات .. وبس .. لكن كل يوم اكتشف اني فعلا اعاني....
اعاني من الوحدة ....... اي والله وما اصعبها ..... حتى رفيقاتي .. تركتهم .. لاني حسيت اني بضيع معاهم ... من ناحية ارتحت لاني تركتهم .. من ناحية ثانية .. اقتلتني الوحدة ..وحدة بالجامعة .. ووحدة بالبيت.. فانا من غير خوات .. يعني اخت صبيان ..... دلوعة البيت يعني وطلباتي اوامر ...
ما تصدقون .. عندي بالغرفة كل حاجة ... تلفون .. جوال طبعا ... خط نت خاص .. كمبيوتر ... دش .. ديفيدي.. فيديو.... كل حاجة ... احاول بقدر الامكان .. اوضف هالاشياء اللي عندي بالخير والصلاح .. بس جد بصعوبة كبيرة ... كبيرة جدا ....
الشيطان شاطر وما مات ......
......
اتمنى اعزائي .. اني احصل عندكم الصحبة الجيدة .. لاني محتاجتلها ... حسيت بارتياح كبيييير من هالمنتدى .. انا بصراحة عندي اشتراك في منتديات ثانية .. لكن منتداكم غير والله ... احس فيه عقول نظيفه وناضجة ...
وهذا اللي انا محتاجه له ....
وبصراحة .. ادعي ربي انه يرزقني الزوج الصالح ليل نهار .. لاني احس ان للظروف اللي اعيشها فعلا محتاجة للانسان الفاهم والمتفاهم .. اللي بيكسر وحدتي ويمسك بيدي ... ويقودني لطريق السعادة ...
اسفه على الاطاله....
ودمتم
ملاك قطر