اخوي عاشق اول شي اذكر الله وتعوذ من الشيطان
ثاني شي زوجتك كانت متصله فيك تقول لك انها بتطلع بتروح بيت خولها بتروح بيت اهلها المهم قالت لك وانت سمحت لها
وصار بينكم نقاش طبعاً من الغلطان ما اقدر احكم لاني ما اعرف النقاش اللي دار بينكم على العموم انت قلت لها كلي تراب و المفروض انه ما تقولها هالكلام عفواً لازم يصير بينكم احترام اكثر من جذي بس انا اعذرك لانك يمكن مضغوط بالشغل وهم صار بينكم سواء تفاهم الظهر مما ادى الى تفاقم الامور.
انا اقول انك تتصل بها وتتفاهمون بدون ما تنزل من كرامتك وتفهمها ان اللي سوته غلط وهم انك غلطت يوم كلمتها بهالاسلوب وقلت لها هالكلام واذا تفاهمتوا ووصلتوا لنتيجة رجعها من بيت اهلها لان وضعكم كلش مب حلو ولا تنسى انه في صغير عمره سنه يتاثر من هالمشاكل ومن الكلام اللي يسمعه لا تقول انه ما يفهم الطفل يخزن كل الكلام والمشاهد اللي تمر امامه ويسترجعها بعدين فتاثر عليه.

فتعوذ من الشياطن اخوي وخلي عندك طولت بالله الحريم والعيال يبي لهم طولت بال ودايم اذكر الله اذا حسيت روحك بتنرفز وخل الاحترام بينكم اكثر من جذي علشان لا تتهاوشون على مسال بسيطه .

يالله يارب يصلح ما بينكم ويهدي سركم