والحساسيات الزايدة اللي بين الحريم معدومه في وسط الرجال يعني احنا الرجال كل مايكثر العدد في الروحه تكون الانبساطه اكثررررررررررررر
وقولي لاخوك بينكم
زوجة تبي تنبسط معك وتتمتع وهذا حقها وانا اذا رحت معكم بكتم على قلبها وش رايك تسمحلي اجلس
وشوفي ردة فعله
اذا عيا واصر انك تروحي استخيري وتوكلي على الله ولا تترددين
واذا نص ونص
اجلسي وروحي مع اخوك اللي حرمته طيبة
بعدين لو تغيرين سكنك عند اخوك اللي حرمته طيبة يكون افضل
لاني سبق وعانيت مثلك
سكنت عند اخوي من ابوي وحرمته بنت عمي وهي ترحبي وتسويلي الغداء والقهوة واذا راح اخوي عمل تقولي اقعد عندي تتجرا بي
ووالله اني من جوا ماني مرتاح
تدرين وين انبسطت
عند خالتي اخت امي وزوجها من جماعتنا
حتى اختي وزوجها ولد عمي اقسم باالله مارتاح عندهم مع اني يحبوني ويتصلون علي وتعال وووينك
سبحان الله من داخلي ارتاح عند خالتي وعيالها وزوجها وكلهم يحبوني
واخوي واختي يهاوشوني يقولون تعال عندنا
اقولهم لا انا مرتاح عند خالتي وقعدت عندها 5 سنوات الين تزوجت وحطيت بيت
اسئل الله العظيم رب العرش الكريم ان يزوجك بمن يغنيك عن الكل
ويصيرون هم اللي يسيرون عليك وياكلون في بيتك
والله العظيم واقسم بالله اني حاس انك اختي وانها اغرورقت عيني وانا اسطر كتابي هذا
بس لو ادري وينك اجيك واقوم بالواجب معك
مايقدر الحاجة الا من مر بها وانا اتخيل شكلك الحين قدامي واحيان نفسك في الجلسة وتقومي تدخلي غرفتك
لانك سمعتيهم اخذو راحتهم في الكلام وما ودك يتوقفون عشانك جالسة
كرري دائما انا لله وانا اليه راجعون اللهم اجرني في مصيبتي واخلفي خير منها
اذا لي خاطر عندك الكلمة هذا لاتطيح من لسانك
الله يوفقك ولا يحيجك لاحد