يـــــــــــاه يا اختي و الله خوش موضوع و طوله مفيد
جان زين لو كل المواضيع الطويله مفيده مثل موضوعج ما شاءالله كفيتي و وفيتي
الصراحه يبتيها على الجرح
كان وزني 55 من سنتين بس و تخيلي زدت و صرت 79
طبعا نحمد ربنا على العافيه بس المتن مو زين لا على الصحه و لا على الشكل
فقررت ــ قلت عيب يا بنيه ملابس كلما يالها و تصير اوسع صكري حلجج يا البلاعه
و فعلا و لله الحمد ما اقول لج امتنعت عن الاكل لا ــ بس قمت افكر بعقل قبل الاكل و اقول استانس بالطعم الحين و اتعذب بالسوق << شوفي المقارنه
و حاليا نزلت و وسعت ملابسي
و الكل الحمدلله يشجعني و ان شاءالله انزل بعد
اهم شىء الصحه ما اتعوض و زياده الوزن ابد مو زينه و مشكلتنا ان نعرف هالشىء
هذرت وايد ادري
ما اقص عليج بجرب نصايحج خصوصا لجمال الصدر
و على هالطاري كنت بسال سؤال
شنو الاحسن حاملات الصدر اللي من دانتيل و الا اللي فيها اسفنج يعني المقوى ؟ << حلوة حاملات صدر يعني ذرابه
