ياحبيبت قلبي
الله يهدي بالك ويهديلك بناتك
اذا البنات الهاديات عملتي فيهم كذا ايش بتعملي لما يجوك اولاد يطلعوا روحك ألف مره
حبيبتي
1_ املي وقتهم (اذا عندك غرفه زايده او اعملي احد زوايا غرفتهم (غرفة معيشه)
جيبي كرسين وطاوله صغيره على قدهم وجيبي طقم قاسات مع براد الشاي وتلفون لعبه وجيبي لهم عبايات صغيره على مقاسهم وجيبي اكسسوارات لهم وجيبي ادوات مكياج بس من غير الوان يعني تكون مجسمات عندك شنطه صغيره وقديمه اعطيهم
البنات حينبسطوا كثيييييييير وبتلاقيهم طول الوقت بالغرفه لعب وضحك وسواليف مثل الحريم حتى اوقات ممكن تكتشفي مايعانون منه عندي طريق حكيهم مع بعض
ملاحظه:
1_لاتجيبي الأشياء كلها دفعه وحده اول مره اشتري عروستين والكراسي وبس
وبعد اسبوع اعملي لهم مفاجأه واعطيهم التلفون وبعد فتره جيبي العبايات وهكذا
2_اهم شي لازم تحددي هذي الزاويه اذا كانوا بغرفة النوم
يعني تحطي حاجز من الجهتين مثل البارتشين صغير على طولهم يعني تعملي غرفه داخل غرفه اوحطي خيمه بلاستيكيه
_______________________
وبعد شهرين ثلاثه غيري غرفة المعيشه وخليها لهم (مطبخ صغير )
في السوق مليان حركات البوتجاز والمغسله وطقم صحون بلاستيكيه وبيض ودجاجه مشويه وخضروات و و و
اشياء خيال كأنها حقيقيه
طبعا اهم شي كل مره تدخلي عليهم شي جديد مره الدجاجه مره كاسات بلاستيك فيها مثل الحليب و و
_________
بعد شهرين غيري المطبخ (حطي سوبر ماركت)
_________
غرفة غسيل وكي
طبعا في مغسله لعبه بس مكلفه بعض الأحيان
بس عندي طريقه ثانيه انك تبحثي عن صوره غساله وتكبيرها ملون عند محلات التصوير وتلصقيها على الجدار
وتشتري الكاويه والمكوى لعبه وتجيبي كم قطعة ملابس من عندك وتعطيهم يلعبوا
____________
حبيبتي هذا يسمى اللعب الإهامي
شوفي بناتك كيف ينطلقوا بالخيال حتى اوقات تستغربي حكيهم وحركاتهم
هذي الألعاب موجوده في جميع محلات الألعاب
اهم شي لاتطلعي كل شي مره وحده كذا فتره ويملوا
طبعا يفضل انك تدخلي عليهم وقت اللعب من فتره للثانيه بأسلوب مهذب
يعني تدقين الباب اوتعملي نفسك تدقين (طق طق طق طق ) وتقولي ممكن ادخل ؟...طبعا بيطيروا من الفرحه بأسلوبك
وتجلسي على كرسيهم الصغير وتقولي ممكن اشرب شاهي ؟ وتسولفي معاهم شوي كل الموضوع ماياخذ (5د)
ممكن بيوم تعملي كيكه صغيره وتفاجئيهم فيها في بيتهم الصغير
اوتجهزيها وتقولي لهم هذي الكيكه عشان الضيوف اللي بيجوكم
_لاتزعلي اذا حطوا ماء داخل الكاسات البلاستيك مررررررررررره ينبسطوا
وممكن انت تستغلي الفرصه تحطي لهم عصير في جيك صغير وهم يصبوه في الكاسات ويضيفوا بعضهم
_طبعا لعبهم ممكن يستغرق ساعات انت خلالها ممكن ترتاحي في الصاله او بالغرفه بس تكون متابعتهم من بعيد لبعيد
اما تسمعيهم اوتشوفيهم
جربيها ومارح تندمي ابدا لأن البيت بيصير هادي نوعا ما
اتمنى اكون افدتك
ربي يسعدك ويريح بالك ويسخرلك ويفرج همك
ملاحظه:
المذكور سابقا.............. طفولتي الجميله
اختكم في الله
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا