أوكي دام انها هديه من غير مناسبه .. فأنا ما احبذ انك تاخذلها ذهب ..
خل الذهب والمجوهرات للمناسبات الثقيله .. وبما انا قريبين من رمضان والعيد أجل الذهب لأيام العيد ..
الميك اب مناسب جدا اذا هي من النوع اللي يحب يتزين .. انا اقترح عليك تاخذ علبه ميك اب من ماك وتختارلها كم لون اي شدو يتناسب مع لون بشرتها لان البيضا لها الوان والسمرا لها الوان تتناسب معاها.. مع لونين لب جلوس وقلمين كحل ملون تماااام ماسكرا او ممكن تاخذ علبتين اللي بأربع الوان تحط مثلا علبه الوان رمليه لانها مناسبه للبيض والسمر وعلبه الوان على ذوقك ونصيحه لاتحاول تاخذ بودره او اساس لانه هاي لازم صاحبة الشان هي اللي تختارها بروحها ..
ولو فلوسك الحمدالله متوفره خذلها تعليقة تيلفون من باريس جاليري (كريستيان ديور مثلا) وحطها في علبه راقيه وانثر فوقها ورق الروز وسكر العلبه مع ريبون حلو وبطاقه رومانسيه معبره عن مشاعرك ..
وعندي احساس انها بتستانس من خاطرها على ها الهديه ...
توكل على الله ويالله على السوق
ولاتنسى تبشرنا في النهايه عن الهديه ..