السلام عليكم اخواني واخواتي اعضاء المنتدى
انا سارلي اسبوع من سجلت بالمنتدى فقط قارءه مع بعض الردود وهذا اول موضوع اكتبه لكم وبالأحرى موضوعين مرتبطين ببعض واول يوم اسجل فيه كان بعد الخطبه الأوليه (يعني بعد ما مريت على السيدات الكريمات لازم رايهم قبل صاحب الشأن ..المهم مو هذا موضوعنا)

الحين هو جاي بكره للتعارف مع ابوي واخوي لانه ما يعرفون بعض هو من منطقه اخرى وزي ما تقولون نصيب لا من الأهل ولا خطابه يمكن وحده من جماعته ماخذه واحد بعد من جماعتنا وهي همزة الوصل بالموضوع.
خايفه حدي من الموقف هذا لأول مره بمر فيه وما اعرف وش بسوي ولا ايش بقول ولا كيف بكون
حالتي حاله من عرفت انه جاي وبلغوني اليوم انه الخميس بيشوفني قلبي يدق ويرقع....غير تفكيري برده وش رح يكون الله اعلم الحمد الله واثقه من نفسي لاكن ما اعرف ذوقه كيف لو اعرف ويناسبني اوكي بدخل ولو ذوقه مو عندي من اولها مو داخله ....من جد احراج
اهم شي لا يسالني ولا يكلمني ولا حتى عن اسمي لاني بعرف انه يتعيبط علي لاني ساعتها يمكن انفجر فيه غضب او بنفجر ضحك واخربها الله يستر..................... هذا الموضوع الاول...اما الثاني
في شي قالقني اذا وافق علي....
ما ادري هل علي اني اصارحه فيها من الحين وإلى لا استنى شوي افيدوني الله يخليكم وقولولي كيف الطريقه الي اوصلها له شخصيا بدون ما احد يعرف من اهله
الموضوع خاص فيني جدا يعني صعبه اخلي اخته توصله ما يخصها ممكن هو الي لازم يعرف بس... قبل اوكي ماقبل الله يوفقه ويسرله
يمكن يحيركم وشهو الموضوع وتسألون عنه هو مو خطير لاكن يخوف بالنسبالي يخص مشكله بموضوع الحمل والولاده مستقبلا عندي عيب خلقي بالرحم اتضح انه منقسم قد يتعبني ويأثر علي وإلى الحين ما قدروالدكاتره يحددون المشكله بالضبط الى ان اتزوج لان طبعا مثل ما تعرفون هالنطقه محضوره قبل الزواج فما يقدرون يستكشفون اي شي غير بالاشعه مع العلم انهم طمنوني من ناحيه اقدر احمل او لا..... وش اسوي افيدوني لمن يرى انه يستطيع الرد باحد الموضوعين او كلاهما و يعطيني معلومه او نصيحه او حتى رأي صدقوني بتنفعني
جزاكم الله خير اجمعين