منتدى عالم الأسرة والمجتمع - عرض مشاركة واحدة - ممكن خواتي تدخلون شوي بس لا تزعلون!

02-08-2006, 09:53 AM

كبريائي

موقوف

تاريخ التسجيل: Jul 2006

المشاركات: 3,157

حبيبتي انتي صادقة في كل كلمة قلتيها وكلامك مايزعل ابدا ....

انا عن نفسي عايشة حياتي بالطول والعرض واتمنى الدراسة تبدأ عشان اخرج من جو البيت الكئيب

تدرين لما الدراسة تبدأكل هذي الأفكار السوداء تروح

واتغير حتى أمي تقول انتي ليه تتعاملي مع الناس غير

احنا اهلك ..

أقلها الناس مايحسسوني إني خلاص كبيرة أو ماعندي شئ مفيد ... قاعدة اعد الأيام عد بس أبغى الجامعة ترجع

عشان أخرج وألبس وأقابل صحباتي وأضحك وأتكلم مع احد في سني >>> سواليف بنات

يعني أنا بالعكس عندي اشياء كثير حلوة ولكن للأسف ميولي مو مثل ماكانوا أهلي يبغوها

اعطيكي مثال === وقت لما اتخرجت من الثانوي وقدمت في الجامعه حددوا تخصصات معينة وياويلك لو دخلتي غيرها

والتخصصات لو دخلتها اللي حددوها كان ماعرفت انجح ابدا وربي الشاهد لاني اعرف قدراتي

فدخلت تخصص اللي ابغاه والحين انا داخلة في السنة الثالثة وماشية على الخطة الداسية ومارسبت ابدا وبرضه متضايقين

لانه تخصص للفاشلين

المشاعر الغريبة اللي تجيني تكون بسبب الضغط ولاني كاتمة .. في المنتدى افش خلقي كله

وفعلا كلامنا كله حزن في حزن لكن احس في احد معايا ومو لوحدي

ادعيلي بس متى ترجع الدراسة والله النت كل شوية مفتوح 24 ساعه بس احاول اضيع وقت

والله لاحقة على الزواج بس ودي اخلص من الكلام فلانه اتقدملها وفلانة اتزوجت ... وانا بس مقهورة لاني احس عندي

اشياء كثير مرغوبة لكن نصيبي لسه ماجا وانا ودي اخلص دراستي واقدم ماجستير على طول ما ابغى انتظر شئ

يعني باختصار اهلي لانهم مقهورين عشاني ولاني الكبيرة ودهم على الاقل بس احد يتقدم عشان يرتاحوا ويحسوا

انه مافي شئ غريب فيني ... وللاسف عشان اهرب من الكلام صرت انام لما يصحوا واصحى وقت مايناموا

الحين جالسة لوحدي والكل نايم وفي الليل يخرجوا واجلس في البيت كلللله لحالي عادي جدا بس عشان ما ابغى اسمع

اي كلام مايعجبني == انا ما اقصد شئ سئ عن اهلي بالعكس ماقصروا عني ابدا لكن سبب زعلهم اني ماحققت شئ

من رغباتهم مو بس في الجامعه في اشياء كثيرة في حياتي خاصة وهذا الشئ مضايقهم بس وانا حساسة جدا

ازعل بسرعه بس ما اقول او اوضح

مشكوورة حبيبتي على كلامك الحلو ..
بس مثل ماقلت ادعي معايا الايام تمر بسرعه عشان تبدا الدارسة وتبدا سعادتي