هل الموضوع ينتهي بعد الشوفة مباشرة والا بعد الحديث عن التفاصيل؟ اقصد المهر والشروط ؟ وماهي النقطة التي
غالبا مايتوقف المشروع عندها؟
يختلف.. مرات بعد الشوفة ...مرة قدم المهر وحددنا الملكة وفجأة اعتذر.. مرة شافني واتفقنا على كل شي ودق على ابوي بيجي نهاية الاسبوع يجيب المهر ودق قبلها بيوم واعتذر!!... مرة يجون الحريم وبعدها يجي يتعرف على اهلي وبعد كم يوم يدق ويعتذر!
ولو كان هناك شروط ممكن نعرفها ؟؟؟
مافيه شروط.. اللهم يقولون له ترى البنت تبغى وظيفتها وياليت بيت مستقل بس << بس مايشرطون فيها اهلي
هل الاعتماد في الخطبة على النساء ام الرجال ؟ يعني مين اكثر فالصورة ؟
النساء أكثر.. هم اللي يجون أول وبعدها يجي ولدهم
مرة وحدة بس اللي جا هو وشافني وقال لأبوي اهلي بكرة راح يجون معناته اعجبته وجو اهله امه تهبل وكلامها خطير لدرجة قالت لامي طلعي بنتك الثانية لولدي الثاني ترانا شارينكم بس كانت عمته معهم وماعجبتني نظراتها
المهم بعد كم يوم جا خبر انهم هونو!! السبب يقولون الحريم شكلهم تجار وبتتعب الولد بعد الزواج علما بأن ولدهم راتبه فوق 10 آلاف!!! والله احنا محنا اغنياء مرة عادين بس وش تقول عن فلسفة الحريم
انت ذكرتي ان والدتك مريضة من زمان هل مرضها وراثي ؟
ايه مرضها وراثي.. لكنها مهي مقعدة تروح وتجي وتسافر وتطبخ وتسوي عزايم كبار وكل شي
لكن زاد عليها في الآونة الأخير ة وسوت عملية والحين الحمدالله احسن
تتوقع هذا سبب؟؟ طيب خالي مريض بنفس المرض وبناته كلهم راحو عادي
وفيه اثنين تقدمو لي لما كانت امي في المستشفى يعني عارفين!! واللي قد اعطاني المهر تقريبا انتظرو خروج امي من المستشفى وبعد شهر عشان تتحسن ثم تقدمو يعني عارفين!
اسف لو ثقلت بالاسئلة لكن ان شاء الله نطلع بنتيجة
اشكراهتمامك اخوي وجه الحقيقة
__________________
اللهم لك الحمد والشكر
"ولئن شكرتم لأزيدنكم"