فيه امور كثيره ما يحبها الزوج انها تطلع من زوجته وفيه امور كثيره يحب انها تطلع من زوجته وراح اطرح بعض منها

من الحاجات اللي ما يحبها الزوج
اذا صار يتكلم مع زوجته في موضوع انها تطنشه وتنشغل باي شي ثاني او ما تطالع فيه وتردد هالصوت ( اممم - اههممم ) يعني كأنها فاهمه وهي مو معاه اصلا
التكشير .. او التبرطم ( يعني مبرطمه ) لان شوفتها بذاك الوضع جدا يقزز ويخلي الدنيا تظلم
الاسترجال او الخشونه .. وهذا اكثر شي يكره الرجال ومن الامثله
رفع الصوت والضحك بصوت عالي سواء مع احد او في التلفون وبالذات لا صارت الضحكه مصطنعه
الخشونه في تعابير الوجه مثل الاستغراب او التحدي او الاستخفاف بشخص معين

من الامور اللي ما يحبها الزوج
كثرة التنكيت والاستهبال والضحك من الزوجه اذا كانت للزوج مباشرة لان حلاة البنت بهدوئها ورقتها
اما اذا كانت لغيره وقدامه فبالعكس ممكن يصف معها وينكت معها

شرب الشاي مع اكل الفصفص لان من جد ما تليق هالتصرفات على البنت

طريقه الكلام
وهي مهمه جدا ومن مواضيع الكلام
الطلب او كلام الحب او اقتراح او التخطيط لسفر او طلعه او اجازه او التحدث في موضوع غير المواضيع العائليه اللي تخص الابناء مثلا
ولازم تتكلمين بكل هدوء ورقه وابتسامه ودلع وما يكون كلامك بشكل رسمي وكأنك تتكلمين في مؤتمر صحفي
ممكن وانتي تتكلمين تفركين اصابعك ببعض بس بطريقه ناعمه وتحاولين ان شعرك ينسدل على وجهك وترفعينه ومره تنزلين راسك ومره ترفعينه



راح اقول شي بس خايف البنات يزعلون
اللي هو لبس الروب القطعه الواحده
وبالذات على العروس الجديده اللي ما تعدت فترة زواجها 2 او 3 سنين
لان الروب ما يحدد الجسم وما يفتن وشكله ما يصلح الا لكبيرات السن
يعني تلبسين بلوزه حلوه مو ضروري ضيقه مره علشان ترتاحين مع بنطلون ومو ضروري يكون جنز علشان برضو ترتاحين
وعند النوم تلبسي الروب الخفيف الشفاف المغري اللي يجيله الوان مثل الابيض والحمر



من الاشياء اللي يحبها الزوج بس فيه شرط مهم جدا .. ان هالحركات ما تكون تصنع .. لازم تطلع من القلب وبإبتسامه حب
تفاعل الزوجه معاه في اي مداعبه وتسليم نفسها له
مثلا لو جا لقاها في المطبخ وجا يتحسسها او يلمسها تتفاعل معاه واي شي يسوي تساعده

اذا كان عنده شغل في البيت تيجي عنده وتمسح على راسه وتدلك اكتافه وتسويله عصير وافضل حركه ممكن تسويها هي انها تسند راسها على كتفه وتمسك يده وكأنها تحسسه انها تشعر بالامان معاه
بهطالريقه الزوج راح يحس بثقه في نفسه ويفكر بالحركات اللي قاعده تسوينها وراح ينسى الشغل ويتفرغ لك

انها تكون مبتسمه طول الوقت وتتدلع طول الوقت وتحسس زوجها انا تبغى الحنان منه


ويا ليت اي احد من الاعضاء عنده زياده ياليت يطرحه