أختي إنتي غلطتي والإعتراف بالحق فضيله ماإنتهت الدنيا لكن لا تسمحي لأحد يتسلى فيك إنتي غاليه كل بنت لو فكرت بغلاها وإنها مستحيل تخلي أي أحد واطي يتسلى على راسها حنبعد عن هذي المشكله
وعذرا على كلمة واطي بس مافي حب ولا كلام فاظي هذا هم يعني هل هو يقبل لأخته بمثل هذا الفعل إذن ليش يقبل عليك ومدام فلان وفلان وفلان يرخصونك ومايعرفوا قيمتك إنتي حطي قيمتك جوا عيونك أنا عودتني أمي بأني ماأنسى دايم أنا غاليه لو مو عند أهلي والناس بعين نفسي وحصون نفسي لين أتزوج والحمد الله أنا مخطوبه وهذ أول وآخر إنسان يسمع صوتي بإذن الله وشعور حلو إنك تصوني نفسك والله حرام تحرمي نفسك من هذا الشعور مع إني محرومه من أمي لست سنوات ما أشوفها وهي عايشه وأبوي نفس الشي محرومه منه 3 سنوات ما شفته وكل واحد لاهي الوالده مع زوجها والوالد مع زوجته وشقيقتي محرومه منها لأنها عند والدتي وصرت عايشه عند جدتي بدون أخت ولا أم ولا أبو ولا قلت هم قسوا علي وأنا فاقده حنان لأن هذا غلط
أختي إستغفري ربك وإتعوذي من الشيطان وكثري من الصلوات والسنن والأوتار وقيام االليل وحاولي تشغلي نفسك إحنا هنا في المنتدى مانلقى إلا كل خير وكل مايرضي ربي تعالي دايم وإتصفحي وظيعي وقت فيما يرضي ربي
وكل ماحسيتي شيطانك قوي إذكري لا قدر الله متي إنتي إللي حتتعذبي مو شيطانك هو معك من طلعتي من بطن أمك ويفارقك في الموت وحتقابلي ربك لحالك ماحتقولي شيطاني قوي ولا ساعدني يا شيطاني بسم الله عليك بعد عمر طويل إنشاء الله وماأحد حيحن عليك أكثر من ربي إلجإيله الحنان عنده والمغفره عنده والعطاء من عنده
الله يوفقك ويسعدك ويبعدك عن مايغضب ربي
أختك لولو

__________________