الكفته بصلصة الطماط
للغالية ام عزيزان جزاها الله خيرا

الكفته بصلصة الطماط



كفته مثلجه جاهزه ... ومقليه

1 طماطه مع نص كاس ماء وبالخلاط (نكون منها عصير)

1 م معجون طماط

1 بصله صغيره مفرومه مع 2 فص ثوم مفروم

نص فلفل بارد اخضر او حار حسب ماتحبي

اشبنت او كزبره

نص قطعة ماجي

وبهارات

الطريقه :

نحمر البصل والثوم باشوي زيت ... لما يتحمر اشوي نضيف الكفته ونحمس مع بعض ونضيف الماجي والفلفل ونحرك .... بالاخر نضيف عصير الطماط مع ملعقة المعجون ...ونخليه يتسبك لما يثخن ويخف ماء العصير ... بالاخر رشي اشوي اشبنت او كزبره وخليها ثواني وقدميها بالعافيه





كفتة اللحم محشوة بالجبن مع السلطة .. للغالية عيـون الكـلام جزاها الله خيرا
المقادير :

لحم مفروم + جبن كيري مقطع مكعبات .. 2 كفاية

الطريقة :

نحشي اللحم بالجبن ونصنع من كور .. ونقلية في المقلاه ولا اروع واااااااايد لذيذ ..

السلطة

سلطة عادية

عبارة عن 1 كاس خس + 1/4 طماطم + 5 زيتون + ملعقة جبن مبشور + ربع خيارة + ملعقة زيت زيتون + ملح

الطريقة

تقطعينها وتخلطينها مع بعض ..

وبالهنا ..






دجاج مع خضار للغالية pasta جزاها الله خيرا


المقادير :
بصله , طماطه , فلفل بارد , مكعبات دجاج , باذنجانه كبيره , 2 كوسا , زهره ( ماكان عندي)
وبهاراتك واهم شي عندي الفلفل الاخضر الحار الي حجمه متوسط ...

اول شي كشنت البصل واضفت له شوي فلفل بارد ومكعبات دجاج وقلبته وبعدين ضفت له طماطه مقطعه وربع كوب ماء ...عشان ماينشف وايد
وخليته على نار هاديه وبعد ربع ساعه ضفت الخضار ( 2 كوسا وباذنجانة كبيره )
ولو حبيبتي ضيفي له زهره
وقلبيه على نار هاديه وغطيه وخليه لمده ربع ساعه لين تذبل وتستوي الخضار وطبعا لاتنسين
بهاراتك والفلفل يمي يمي... بصراحه الطبق يجنن واحلى لو كان بمكعبات اللحم ...
انا احبه حار لازم اقطع له فلفل اخضر حار ...على الاقل 2




الباذنجان مع المرتديلا والجبن للغالية ام عزيزان جزاها الله خيرا



قطعي الباذنجان حلقات رفيعه .... وبعدها ادهنيها بالفرشه

وحطيها في صينيه ودخليها الفرن لما يتتحمر الوجهين

وبعدها قطعي اشوي مرتديلا ... وحطي معاه جبن

واكلهم على بعض الطعم روعه

وعلى فكره لا تملحين الباذنجان ... كفايه ملح المرتديلا والجبن




منقوووووووول

__________________


لا احلل نقل اطباقي دون ذكر المصدر

(ام علي وريما شخص واحد وهو انا )