لأنها تحبه ....
السلام عليكم ورحمة الله وبركاته
بصراحة هذا الموضوع مررررررة شاغل بالي
وأتمنى من الله ثم منك يالمتزوجين رجالاً ونساء تساعدوني
هذي وحده من صديقاتي مرررررررة مهملة بنفسها ومنزلها واطفالها
يعني مستوى النظافة مررررررررررررررره هابط جاها ضيوف ما جاها الأمر سيان بالنسبة لها
المشكلة إنها تحب زوجها ولو يقول لها اللبن أسود مايل على فوشي قالت له صادق
والمشكلة الاكبر من هذا وذاك انه زوجها بخيل حيل ( نسأل الله السلامة والعافية )
ويتكلم عليها من وراها وماينصحها ولايصارحها ويشارك في وساخة البيت ومب عاجبة
لا أغراض في الثلاجة وتنحرق لمبة طزززز عقبال لمبات البيت كلها
ينكسر فنجان برضو طززز عقبال باقي الفناجين ولا يجيب
حتى حبوب منع الحمل مستخسرها فيها
يعني عنده تجيب أطفال وتملا له البيت ولا يجيب لها الحبوب
حتى البامبرز الله يكرمكم يجيبها لاثنين ثلاثه من الصغار كلهم بمقاس واحد
الحين حامل ما شاء الله تبارك الله وعمرها ........ بداية العشرينات تدرون ليه بهذا الوقت القياسي مخلفه كثير ؟؟؟
لأنه ما يشتري حبوب منع الحمل إطلاقاً يعني كل سنه بعيل
وعمره ما أخذها للمستشفى من أول ولاده وابو زوجها يوديها يوجيبها على المستشفيات
محطمها ومهملها عاطفيهاً لا تقولوا لي كيف خلفت كل هذولا الاطفال ماشاء الله تبارك الله
ودائما ما يعطيها وجه ويشوف نفسه أحلى منها وهو الحمد لله والشكر وهي والله أحلى منه بألف درجة
لا تماشي ولا خرجات من تزوجت وأطفالها يخافون من الناس لأنهم مايخرجون لا للجيران ولا للأقارب
رافض يجيب لها شغالة برغم حملها المتكرر >>> هذا لو أردنا أن نلتمس لها العذر في إهمالها لبيتها
على فكرة زوجها حالته المادية ممتازة ...
والأدهى والأمر من هذا كله إنها تحبه ما شاء الله وإذا سألتها ايش اللي حبك فيه ...... تضحك ....
بجد يضرب الحب شو بيزل
اللي أريده منكم تنصحوها لنفسها وبيتها ممكن زوجها يتغير
نفسي تصير شريرة 
نصحتها أنا وكل قرايبها بالنسبه لنا استنفذنا كل النصايح
أبغى منكم طرق عملية ممكن تسمع كلامكم ... يمكن ما اعرف أنصح
آسفه على الاطالة
__________________
ادعوا لي بالنجاح والزوج الصالح واكمل دراستي
التعديل الأخير تم بواسطة ترانيــــم ; 08-08-2006 الساعة 11:45 PM