اختي العزيزة وحيده ،، أحمدي ربك انه يمدحك من فترة لفترة والله العظيم ماتذكر ان زوجي مدحني مرة وحده من تزوجنا ولمده خمس سنوات بس صدقيني اني احس بالكلام داخل عينه وكل وحده تفهم زوجها طبعاً ، لاتفكرين اني جيكرة لا والله الحمدلله راضيه في جمالي ومقتنعه جداً ، مره سألت زوجي وقلت له انت ليش ماتقول لي ان هذا اللون حلو علي او هذي التسريحه او المكياج الفاتح احلى من الغامق !! تدرين وش رد علي ؟؟ قال : وبعد ما امدحج بتركبين على راسي واطلع مو رجال !!!!!!!!!! قلت له : من قال لك هذا الحكي قال لي: كل ربعي يقولون ان احنا تحسفنا لما سوينا هذا الشي!!!
فيمكن زوجك ما يبغيج تغترين بجمالك مع انه من حقج وانا حاسه فيج ويمكن مايبغيج تتدلعين عليه وتقولين له انا احلى منك يالجيكر ههههههههه ..... يله الحمدلله على كل حال والله يوفقكم ويخليكم لبعض وانشاءالله تنولين اللي في بالك.