أنا أعتبر نفسي فضيحه ما أعرف أخبي شي عن زوجي كل شي أقوله له مثل ما قالت قصيميه يعني بغبغانه

بس مهما يكون فيه أشياء ما يجوز أعلمه عنها مثلا إذا وحده من أهلي أو صديقاتي أو زميلاتي أمنتني على سر من أسرارها مو معقوله على طول أروح أقول لزوجي عنه مع إن بصراحه بعض الأحيان يصير لساني يحكني أبي أتكلم بس يعني حتى ولو قلت له مو ضروري أقول له كل التفاصيل و كمان مو ضروري أقول له مين هي صاحبة السالفه يعني أقول له مثلا "أعرف وحده كذا و كذا و كذا"

فيه أشياء كمان أخبيها عنه و هي الأشياء اللي أنا أحس إنها ما تسوى بس عارفه لو هو درى عنها بيسوي من الموضوع سالفه كبيره مثلا في موقف في بالي مره أمه تهاوشت مع أخته الصغيره و كانت أخته مولعه فعاد أنا تعرفون ملقوفه قعدت أحاول أهدي فيها أقول لها مدري أيش مهما يكون هي أمك و كذا كذا كذا فحضرتها عاد نرفزت علي و طلعت حرتها فيني بصراحه أنا تضايقت بس ما قلت لزوجي يعني قلت لنفسي "هي مراهقه و سن حرجه و مدري أيش و ما قصدها و انتي بعد من كم سنه كنتي نفس الشي........الخ" و غضيت نظر عن الموضوع و كلها يومين و اتصلت علي و اعتذرت عاد يوم زوجي سألني عن سبب اتصالها قلت له عن السالفه و عاتبني لأن ما قلت له بس أنا عارفته لو إني قلت له كان كبر الموضوع و يمكن تهاوش مع أخته و سالفه يعني مثل ما يقولون من الحبه قبه فأفضل في مثل هالحالات إني ما أقوله ما يخصه يعني

__________________