الجواب يا اخوي ان كل شي يلقاه عندي وابد ما قصرت معه وكل شي يبغاه اسويه له وانا وزجي صريحيين مع بعض مره الى درجة انه مثلا اذا زاد وزني لو كيلو واحد
عن الوزن اللي هو يبغاه يقولي ما يسكت اذا حطيت عطر ما يعجبه يقولي بس زوجي شخصيته غريبة شوي يعني يحب كل شي ممنوع يعني اي حركة يطلب مني اسويها
وما اسويها عالاطول ينبسط وهو يطلبها مني لحد ما اسويها وبعدين خلاص تصير عادي عنده وما يحب يسوي العلاقة الا باوقت الضيق مثل اذا شافني مشغوله بالطبخ والا نايمة والا اذا شافني جايه بطلع
يحس بمتعه اكثر عكس لما يكون كل شي جاهز ويشوفني متجهزه له وقاعده انا وياه لحالنا بالعكس يبعد عني مره وما يقرب لي ولا يحب اني انا اللي اطلبه الا قليل وهذي المشكلة بعد متعبتني
من تزوجنا وهو كذا وتكلمنا بالموضوع كثير بس هو يقول انا كذا ما اقدر اتغير غصب عني
وبعدين ما ادري ليش يتضايق مني اذا شافني كل يوم البس واتزين مع اني والله ما اتكلف بسيطة جدا واحب اشكل بملابسي وشعري وكل شي حتى المكياج ما يحبه الا في حالات نادرة جدا ينبسط اذا شافني
لابسه ومتزينه بس انا اتكلم عن الغالب ما ادري ليش ينبسط كثير اذا شافني على طبيعتي وببيجامه قطنية عادية