انا اتخطبت وانا بأولى جامعة واستمرت خطبتى اربع سنين وبعدها اتفسخت خطوبتى وبعدها بسنة اتخطبت لواحد تانى كان زميلى بالكلية واستمريت معاه 6 اشهر وبعدها فسخت الخطوبة وانا عمرى الان 22 عام

عارفة يا كبريائى مو بكثرة الخطاب انا كنت بتمنى بس انه يجيلى شخص واحد فقط بس اتوفق معاه ويكون نصيبى
اما عن احساسى لما اتخطبت وانا فى سنه اولى كنت مبسوطة جدا لانى كنت اول واحدة اتخطب بين اصحابى وكان الموضوع منظرة بالنسبه لى اكتر منه حب او رغبة فى الاستقرار
وكان الفترة اللى سبت فيها خطيبى كان بيجيلى ناس بس كان موضوع فسخ الخطوبة مأثر فيا لسه
بس لما اتقدم لى زميلى فى الجامعة كنت فرحانة وسعيدة جدا وكنت حاسة انى طايرة بس من كتر ما انا فرحانة كنت والله العظيم ابكى لانى عارفة انى مش ممكن اكون بالسعادة دى وقلت اكيد فى حاجة هتحصل وفعلا اتفسخت خطوبتى
كتر الواحدة لما تتخطب بيتكسر قلبها ومثل ما قالت اختى لولو ان الفتاة التى تمر بتلك التجارب الفاشلة تصاب بالاحباط
بتمنى لك يا كبريائى ان الله يرزقك بالزوج الصالح اللى تكونى سعيدة معه ونسمع عنك كل خير ان شاء الله قريب يا حبيبتى

__________________

يا مقلب القلوب ثبت قلبى على دينك