اكتشفت ان زوجي مدخن
أنا في بداية حياتي الزوجيه ( ما كملت شهر ) تزوجت بعد فترة ملجة دامت 9 أشهر.. أول شيء سألته عن زوجي قبل لا أوافق عليه ( اذا كان يصلي + اذا كان يدخن ) ( أموووت ولا أشم ريحه سيجاره ) والجميع مدحووه وقالوا انه مواضب على صلاته وما يدخن .. بعد الزواج باسبوع شميت في زوجي ريحه سيجاره .. قلت له اشم ريحه سيجاره قالي اعووذ بالله وزعل مني .. وشميتها مرة ثانيه وثالثه وكل ما اواجهه ينفي .. وفي يوم من الايام كنا سايرين منطقة بعيده وتوقفنا عند محطة بترول دخل زوجي الحمام وتأخر وبعد ما رجع قلت له بسير الحمام ودخلت من عقبه شميت في الحمام ريحه سجاير واضحه اول ما دخلت السياره شميت زوجي على طوول لقيت فيه نفس الريحه واجهته اعترف انه يدخن من ايام المراهقه بس اهله ما يعرفووون ( صدمني )
ما عرفت كيف اتصرف زعلت منه لانه ما صارحني من البدايه ... قالي انا مو مدمن عليها انا ادخن في الاسبوع مرة مرتين بس مو اكثر ..وبحاول اتركها
قلت له اذا دخنت مرة ثانيه قبل لا ترجع البيت لا تيي صوبي عشان ما تلووع جبدي منك .. قالي ان شااء الله
بعد اسبوع رد وشميت فيه الريحه وتضاربنا ... وبعدها بيومين نفس الموضوع وتضاربنا
ياجماعه ما في احد مر بنفس التجربه يفيدني بنصايحه ... تراني احب زوجي مووت بس ما اقدر اعيش مع انساان مدخن ما اتخيل 24ساعه تكون لايعه جبدي من ريحته.. هذا غير اني اخاف عليه من الامراض عافانا الله
التعديل الأخير تم بواسطة بحر الأحزان ; 10-08-2006 الساعة 02:09 AM