اقتباس:
|
المشاركة الأصلية كتبت بواسطة حب وكره
خطاب هام:
الشكر لكل من شاركني ولكل من أحس بهم أخيه و أبعد الله عنهم الهموم وجعل الراحة انيسهم ولنبد أ من الأول:
- كثيرون تسائلوا لماذا منعتها من زواج أختها وقالوا انها قطع للرحم واتهموني باتهامات غفرالله لهم ولكن اسمعوا الحقيقة :
عند خطبة اختها كان الناس سيأتون الى بيتهم وسوف تكون هناك استقبال رسمي لأهل المعرس فقال لها امها اذا استطعت فتعالي فقالت لي ما رأيك قلت لها لا وألف لا لأني في تلك الأيام أعمل بعملين وثلاثة دوامات وكنت تعبان اضافة الى ذلك و ايضا كانت قادمة من شهر من عند اهلها فليس بيتها نقطة استراحة تأتي يومين وترجع فقالت لابد ان أذهب واتت هي بفكرة جهنمية لم تكن في بالي قالت سأذهب الخطبة ولن اذهب الزواج اي والله فقلت لها هذا ليس بمعقول فكيف تتركين اختك في الزواج قالت أريد أن أذهب هذه المرة فقط وحلفت انها لن تذهب الزواج و شهدت عليها اختي فشهدت عليها واعطيتها التذكرة والمصروف وراحت وجات بعدما رجعت قامت تزعجني ابروح العرس قلت اين كلامك الأول قلت قلته كذا حتى أذهب للأثنين فقلت لها سأطبق ما أردت فهي التي طلبت.
هذه هو السبب ولي عودة
|
مدري وش أقول بالضبط
يعني أنا شايفه وجهة نظرك و هي فعلا غلطانة انها حلفت لك بشي و ما نفذته و عليها كفارة طبعا
بس في نفس الوقت أنا أحط نفسي في مكانها (ترا احنا البنات كل يوم لنا راي) يعني وقت الخطبة هي كان خاطرها تروح فساومت معاك قالت لك تسمح لها تروح الحين إذا انها ما راحت العرس...لكن بعد فتره لما قرب وقت العرس هي حست ان ما يهون عليها عرس اختها و ما تحضره...بس عاد الله يهديها كان ممكن تتصرف بطريقة أحسن من كذا شوي..يعني أعتقد الأسلوب اللي أغلب المنات ممكن يتبعونه هي انها تروح لزوجها تتدلع عليه وممكن تنزل لها دمعتين لحد ما يحن قلبه عليها و يقول لها روحي (ولا انقلعي إذا كان بس يبي يفتك
)
بس بغض النظر عن كل هذا أنا لفت نظري شي و ذكرته في ردي قبل
أحس اسلوبكم اسلوب مدارس ما كأنه زواج
يعني هي تقول لك شي و انت تحلفها و تجيب لها شهود بعد؟؟؟؟ أقول ليش ما خليتها توقع و تبصم بعد علشان يكون عندك الدليل القاطع؟؟
أنا موب متزوجه (مملكة بس) لكن أحس لو زوجي بيحاسبني على كل شي أقوله و أغير رايي فيه بعدين كان مدري وش صار...طبعا هو ما يقصر يعلق و يتفلسف و يقول انتي دايم كذا و اذا قلت له شي يقول لي ما اصدقك بكره تغيرين رايك
...بس بصراحة ما أتخيله يوم يجي يحاسبني على هالشي لأن هو عارف ان هذه طبيعتي (بس الحين صراحه خفت..أخاف يجاملي علشاننا لسه مملكين يمكن بعد الزواج يتغير....يمه يمه بديت أهوجس
)
اللي أبي أقوله لازم تكون طرق الاتصال بينكم مفتوحه أكثر من كذا ...يعني هي حست انك ما راح تسمح لها تحضر الخطوبه الا اذا قالت لك انها ما راح تحضر العرس..و بعدين يوم انها قالت لك تبي تحضر العرس انت قلت لها انتي قلتي و انتي قلتي..هي بالنسبه لها احنا أولاد النهارده اللي صار أمس يمس أمس خلنا في اللي بيصير اليوم (يعني بمعنى ثاني هي وعدها لك كان مجرد وسيلة علشان يحصل لها اللي تبيه...و أنا ما أقول هذا صح أنا بس جالسه أحلل الموقف)...انت أصريت على موقفك..هي حست ان لازم تشوف لها حل ثاني..الله أعلم ممكن تكون هي جربت معاك حلول قبل ما توصل لحلها هذا اللي هو انها تنحاش
أعذرني أفكاري تلخبطت شوي يعني بالبداية كنت عاطيتها عذر بس الحين بدأت أحس إن تصرفها فيه شوي قلة عقل..بس في نفس الوقت أنا لسه عند كلامي ان الضغط يولد الانفجار...لازم تشوفون لكم اسلوب أفضل من هالأسلوب